ليت كل القلوب الي تحب بجنون

[موادع]

ليت كل القلوب زي قلبك


ليت كل القلوب اللي تحب بجنون


تعرف انا المحبه جنة في هجير


كل دمعه عزيزه لاجل غالي تهون


لاجل شوف الحبايب كل قاسي يسير


لي حبيب احبه والمحبه فنون


كل ما اذكر غرامه من غرامه اطير


ماعشقته رياح ولاعشقته سكون


نسمه داعبتني تمتزج مع عبير


فوحها من غرامه تحتويني بهون


كيف مايحتويني حب قلب كبير


ان زعلت وتراخت هامتي والمتون


مد كفه وطبطب قال لي مايصير


ابتساماته محبه وارتعاشاته جفون


ترسم الكون فرحه من هنا للاخير


عن شتاتي بلاد وعن همومي حصون


صرت فارس بلاده والامير الاسير


قلت له لاتغيب قال لي كيف اكون


قلت عطني يدينك حس قلب كسير


خايف الحلم يفنى بين هم وظنون


وخايف اليأس يحفر قبر حلم صغير


وخايف الدمع يصحى من مهاد العيون


وخايف اصحى واشاهد واقعي والمصير


ضمني حيييل انا محتاج صدر حنون


مدري وش صار فيني بس ماني بخير