المساعد الشخصي الرقمي

مشاهدة النسخة كاملة : ـالغصن عايش و لو طارت / عصافيره

أحمد بن شايع
27-09-2009, 07:29 PM
يا خاطري ما يفيد ـالضيق وَ ـالحسـره
و " ـالحزن " قتّال لا هبت أعاصيره


لا تحسب ـاللي جرالي في ـالهوى كسره !
ـالغصن عايش و لو طارت / عصافيره


يا صاحبي من سوايا ـالقلب لا تشره
ـالقلب باقي على ذكرى مساييره ..


من قسوة ـالبرد عندي لـ الدفا جمره
جمرة غضى تشتعل بـ الهم و ـالحيره ..


أحيان أشوف ـالخفوق يحب ما يكره
و أجيب لأجله عذر و اقبل معاذيره ..


و أحيان أشوف ـالجفا يطغى على صبره
يهز عرش ـالضلوع و ما لقى ديره


و يا وين قلبي بترحل ، كمل ـالسهره
ما راح نلقى من ـالأحزان تأشيـره ..


لا تحسب ـاللي جرالي في ـالهوى كسره !
ـالغصن عايش و لو طارت / عصافيره