ياللي دفتنوا جثتي لية تبكووون

[هيبة ملك]

ياللي دفنتو جثته ليه تبكون؟
لولا الحيا..لأقول:معكم خذوني
منه انحرمت وكنت انا عنه مسجون
ماأذكر لمحته..غير مره بعيوني
شفته..وكانت فرحتي مالها لون
عجزت لأوصف..من لمحته شجوني
ياليتني..كنت الكفن يوم تمشون
أبقى معه بالقبر ثم تدفنوني
أو ليتني..من خلفكم كنت(مجنون)
أتبع خطاكم والعذر هو:جنوني
أبكي وراكم..وادعي ان كان تدعون
مايكفي انه عاش عمره بدوني؟؟
تكفون<هاكم عمري اليوم تكفون
يرخص حياتي دام خابت ظنوني
مافادني صبري!!ولافادني عون
ولافادني دمع(ن)..حرق لي جفون
يامابكيته والبكى يحرق عيون
ميت او انه حي..دمعي بعيوني!!
العام كان بفرحته..يعزف لحون
واليوم تحت الارض ماهو بكوني
لكن انافي فرحته..كنت مدفون
فوق الثرى..واليوم موته سجوني
(سميت قلبي عقب فرقاه ملعون)
هووالليالي..عن هناه امنعوني
ياليتني.. ماعشت لحظه بها الكون
وياليت ربعي..في سكات اذبحوني
وياليتكم عن همي اليوم تدرون
منه انحرمت>ومن عزاه..احرموني
حتى بوفاته!!يوم اناطحت مطعون
أخفيت طعناتي..قبل لايفضحوني
بكيت!!ولكن..ماتظاهرت بالهون
ابكي واقول:الموت هوسة طعوني
وان كان في حبي انا.. ماتحسون..؟!دلوني لقبره..وهناك..اتركوني




مما راق لي ولامس ذائقتي
المــــــــــالكــــــــــي

[المشرقي]

مشكور أخي
المـــــالكي
دائما لك ذائق جميل تنثره بطيات ديوانيتنا الحبيبة
لك ودي

[مازن الشهراني]

مبدع أخي المالكي حتى في إنتقائك لما يروق لك .. تقبل مروري وأنا أخوك ودمت بود

[هيبة ملك]

المشرقي
الهايم

إبداعي وتميزي لا يكمل إلا بمروركم على موضوعي
حياكم الله ياغالين منوووووورين