إيقــــاف تسجيـــل الخـــروج

[هيبة ملك]

تسجيل دخول

سجلت في قلبي دخولك على طول
.... وغنت جروح القلب فيكم نشيده


كلمة المرور

وكلمة مرورك جابها منك مرسول
.... وبدلتها وارسلت كلمه جديده

ملف

واصبح ملفك داخل القلب معزول
.... وحفظت به من دم قلبي قصيده

تحرير

وسويت لك تحرير عن كل مجهول
....... متوسط ٍ بين الخفوق وّريده

عرض

وقدمت لك عرض ٍ من القلب منقول
..... لأجل أثبت انك بالضماير وحيده

المفضله

وبمفضلة قلبي عن الغير محمول
... ما اضفت غيرك يالفتاه الفريده

الخلف .. الامام

وللخلف لو ترجع ترى الخلف مقفول
.... رح للأمـام وافتح صفحه جديده

عنوان

واكتب على العنوان للغير مشغول
.... حنـّا سكنـّا وارسلي في بريده

تسجيل الخروج

وأن كان ودك تترك القلب مشغول
..... سجل خروج وشب فيني وقيده

ايقاف

وان شفتني هالك على الدرب لا حول
...... أضغط على ايقاف وأقرا القصيده

تحديث

وأضغط على تحديث وتشوف مدلول
.......... وكل الكلام اللي قريته تعيده


(مما رآقْ لِيْ ولامس مشاعري)

أ . المـــــالكـــــي

[عبدالله بن مفرح]

رهيب يالمالكي في الإختيار والمشكله ان بعض من يسجلون الخروج لا يستأذنون كلها تغيير شريحه والسلام ههههههه صح والا لا ؟؟؟

لك وافر التحيه

[هيبة ملك]

حياك أبو خالد وسعدت كثيرا بتواجدك الغالي
في متصفحي وفعلا كلامك صحيح ........

[أنين الصمت]

مثل ماقال أبو خالد رهيب وأنا أقول مبدع بصراحه ياالمالكي
صح لسانك

[هيبة ملك]

الـــــــــربـــــــــــــــــان
منوووووووور ياغالي
والف شكر على المرور المشرف

[المشرقي]

http://www.l44l.com/up1/upload/images/l44l4830d65f0e.gif

[هيبة ملك]

حياك ياغالي تشرفت بمرورك