اعشقــهـ واشتأأق لهـ أهواهـ واودهـ‎

[احساس شاعر]

ياطول صبري عليه وما اطول المدّه
والنفس مابين مأمورة ومنهية


الحب والشوق والضيقات والصدة
حطت على وجهي المغبون ماريّه


احدٍ زها له سواد الخال في خده
واحدٍ بخده من هموم الدهر كيه



يقفي به الشك صوب اللوم ويرده
واذا رجع مالقى الا رسمة ثاريّة


وتزيد به ضيقة العشاق وتهده
يبكي على حاجة ماهي بمبكية


يزل واقول يمكن ماهو بوده
غلطة ويمكن على ماقيل عفوية


حتى ولو قالها قاصد ومن جده
يشفع لحاضر غرامه زين ماضيه


اعشقه واشتاق له اهواه واوده
ومن الغلا نسبة المليون فالمية


ألد عيني لكن ماهيب منلده
هو اول الحب في عيني وتاليه


غر قلبي على النسيان واحده
لاشك عيا من النسيان موليه


عزي لحالٍ على فرقاه منحده
وعزي لقلب الا من حل طاريه


يتوق توق الوحش في كف من هده
لاطار مالد عيني صوب راعيه


ياشين فرقى اللذي تغليه وتوده
لاصار حيي ولاتقدر على جيه


جعل ربي يصبرني على الشدة
لين مايجتمع غالي وغاليّه


لو طال صبري عليه وطالت المدة
ياحيي شوفه قبل لااموت ياحييه