هــواجـيــس الحــزن

[سعيد م أبودهام]

سر ياقلم واكتب هواجيس محزون
شـيٍ يلـج بداخلـي ماقويـتـه
الله بلاني بالهوى صرت مفتـون
بغروٍ جعلت أقصى المعاليق بيته
من صغري احبه ولاظن يـدرون
أهلـه بحـبٍ بالضمايـر خفيتـه
يومي صغير اقول يازينت الكون
انت الحلا يالجادل اللـي هويتـه
في حبه أدري كل الاقراب يدرون
غصبٍ علي ماهوب شي نويتـه
اسمه كذا يظهر ولااعرف وشلون
ما تسمع الا داخل القلب صيتـه
أنا على كيف اريش العين ويمون
من يوم يزهمني على طول جيتـه
ياما لعبت وكامل الحسن مزيـون
طول النهار وبالمسا مـا اهتنيتـه
أجلس أفكر واقضي الليل بلحون
مـره اغنـي بـه ومـره بكيتـه
بس البلا يوم الزمن دار بالكـون
اصبح كبير وبعدهـا مـا رأيتـه
أصبح فؤادي بعد فرقاه مطعـون
ياخوف قلبـي موتتـي مالقيتـه
لكن ابوصي ياهلي بـس تكفـون
لامت قولـوا مابلحظـه نسيتـه

[احساس شاعر]

صح لسانك كلمات روووعة كروعة كاتبها

لاتحرمنا قصايدك الروووووعة اخوي


احساس شاعر

[صدى الكتمان]

اختيار موفق لك يا سعيد دائما تبحث عن ماهو جميل
وهذا من ذوقك الراقى وانا ارى انك متذوق للشعر فاذا كانت لديك قصائد لك فاتحفنا
بها حتى لو كانت مجرد محاولات ولدينا اساتذه شعار سوف يقفون معك
فعلاقصيدة جميله للشاعر صالح عبد العزيز
ولك تحياتى,,,

[سعيد م أبودهام]

http://4upz.almsloob.com/uploads/images/www.almsloob.com-7ce0f75c65.gif