ليه أحبك

[ابونواف]

تسأليني ليه أحبك ؟ واسألك نفس الســـؤال


ليه أحبك ؟ جاوبيني ... يمكن انتي تعرفيـــن


ليه انا قلبي تعلق فيك ... يا بنت الحـــلال


ليه وش معنى عشقتك ... دون كل هالعالميــن


هل لأني شفت فيك الحسن كله والـــدلال


او لأني شفت فيك الثقل والطبع الـــرزين


او لأنك في عيوني صرتي غآيه في الجمـــال


او لأنك أستطعتي ... للمشاعر تملكيـــن


او لأن الحظ جابك لي بعد ماقفى وحـــال


او لأن الله كتب لي أعشقك واحيا سنيـــن


علميني ليه أحبك ؟ ليه قلبي معك مـــال


ليه دمعاتي تناثر ... كل ما أنتي تبعديـــن


ليه دايم في خيالي صورتك في كل حـــال


في فرحه والا بتعاسه ... في شقى والا بحنيــن


ليه طيفك في عيوني ... ما يبارح هالمجـــال


شاغل فكري وبالي كل لحضه وكل حيـــن


ليه كل ما قلت أبنسى .. صاحت جروحي محــال


كيف تنسى طب جرحك .. كيف أيامي تزيـــن


آآآه يا كم سؤال ... حاير وسط الخيـــــال


آآآه يا وين الجواب اللي يريحني سنيـــن


اسأل اسوار المدينه عنك وأنقاض الجبـــال


اسأل رمال الصحاري واسأل الليل الحزيـــن


واسأل دموعي الغريقه ليه دمعي منك ســـال


ليه قلبي فيك هايم ... وش هو السر الثميـــن


ليه ما ادري .. بس عشقتك .. عشق حد الهبـــال


وصرت ما اشوف بعيوني غير زينك اي زيـــن


وتسأليني ليه أحبك وليه ميت عالوصـــال


ليه ما ادري ... صدقيني .. ماعندي يقيــن


ودي أعرف يا عيوني وش اجابة هالســـؤال


ليه أحبك ؟ جاوبيني ... يمكن أنتي تعرفيـــن
مع تحياتي
محب الجميع (ابونواف).

[عبدالرحمن بن دربي]

الله عليك ابو نواف

لقد انسابت الكلمات منك بسلاسه

جميل ان يترك الحب في انفسنا موقع

[الفراشه]

صح لسانك يا ابو نوافhttp://dl.glitter-graphics.net/pub/902/902171b8bgalti1d.gif

[مازن الشهراني]

رووووعه أخي ابونواف .. وشكرا على هذه الأبيات الممزوجه بذوق يخصك انت دون غيرك

[ابونواف]

يعطيكم الــــــــــ1000ــــــف شكر على هذا المرور الجميل والردود الأجمل الذي اتحفت هذا الموضوع بجمالها وروعة كلماتها فلكم جزيل الشكر
محبكم (ابونواف).

[احساس رسام]

روووعه يعطيك الف عافية اخي ابو نواف