المشاركة الأصلية كتبت بواسطة ابو ياسر (المشاركة 693)

اه منك يادحمي خل الخلق مستورة بعد ثلاثين سنه او اقل او اكثر جائي تطلع المخبي الله يسامحك وبس ولكن اقول
اولا الله يستر من الفار لايطلع علينا ونحن نكتب الموضوع وبس00
كان لي موقف مع البرعص الله يرحمة ولكن استسمحت منه قبل مايموت الله يغفر للجميع كان ابو خليل يحب يلعب معنا انا وسعيد الجمل وجاء ابو عبد الله عليه رحمات من الله وجمعنا به في جنات الخلد وعمي احمد وعمتي وكل من له حق علينا جدي علي الله يتجاوز عنهم جميعا وجميع اخواننا المسلمين واقاربنا اجمعين
القصة عندما جاء الوالد وشافه معنا زهمنا وقال لاعاد تلعبون معه تركنا الامر وكان الوزغة من يوم نخرج جاك وفي يوم من الايام قلنا نبغا نلعب مزمار والله المزمار في وادى واحنا في وادى ثاني ولكن الزبدة جلس معنا ابو الخل وخلينه جالس جنب الحفرة التي حفرنها وولعان فيها النار وامسكنه من كتفه حتي لايتحرك شقاوة ولعت النار وطفيت في رجلة ذهبنا لان الامر عادى بتحرقه شويه ويسلم ثاني يوم جا عم حسن رحمة الله عليه ويزهم باعلا صوته ياعم محمد التفت له واذا صحبنا معه علي ظهر حامل يشيله مايقدر يمشي واجيك مشوت علي الدحدير من عند بيت العجروش الا وصوت الوالد الله يرحمة ياعبد الله وانا مدحدر وقفت تقول ربطت لك جلنط سيارة في نزلة واقول نعم بصوت غير مسموع ويكرر واقول نعم بصوت متقطع الموت لانه قد نصحنا وحظرت سعيد كان جالس معه في الورشه ولم يتحرك من مكانه وخلاه حتي جيت ومسك راسي براسه وظربها ببعضها فدخلنا الورشة بدلا من الخروج منها من شدت الظربه ياولد وهناك بقية القصة بحظور عمتي الله يرحمها وجدتي الله يحفظها والوالدة الله يحميها تكملت المسابقة بعدين وعليك الحساب ولكن لها فواصل اكملها فيما بعد
الله يصلحك يادحمي اشل للناس وقضينا المستورة والله اني اكتب وانا اضحك من هذه العلوم ولكن سامحونا
ابو ياسر

المشاركة الأصلية كتبت بواسطة منادي (المشاركة 1891)

البوقس معانا ولا مو موجود؟
إذا كنت معانا الله يسقي أيام ماكنا ننزل بعد صلاة الفجر ونشتري التميس والفول من جياد الســد
((الله يــرحم الحــصــة المدرسية )) واللبيب بالأشارة يفهمووو يابو محمد
والتشفيرات لازالت مستمرة والفك عندك
محبك: ابو احمد