|
مرثية الترحال
على باب المآل اغـرب خيـال يناظـر الأحـوال=وصرخات ٍ على الله تشتكـي مـن قسـوة الحالـه وعين تلتمس نور الأمـل فـي عاصفـه ورمـال=وقلب ٍ يحتضـن صبـر العـزوم ويحمـل آجالـه وصوت ٍ ( للأسف ) مبهوت في دوّامـة الأقـوال=تفاجـا وانصـدم فـي هالزمـن بظـروف قتّالـه تحمّل يا ( أسف ) ضيم النفوس وطفحـة المكيـال=تحمل واشهـد ان اوضـاع هـذا الوقـت بطّالـه تحمّل يا ( اسف ) واجعل لصوتك في الزمان إرسال=على الله جل شانـه والدعـاء مـا يُرفـع إلا لـه على الله يا المآل اللـي تربّصنـا وصـال وجـال=يشـوف ان الضعافـه مـا لهـا رايـه وخيّـالـه حصار ٍ يفرضـه كيفـه رسـم تكويننـا تمثـال=وسـنّ الإضطهـاد اللـي نعانـي قسـوة إذلالـه تحت ظل المخافـه نبـدي البسمـه بـدون جـدال=ونبـدي فرحـة القلـب الشقـي وبلوغـه آمالـه وفـي الواقـع هـوان يكتنـف تعبيرنـا الدجـال=ويكشـف سطـوة الهـم الذميـم وسطـوة سلالـه علينـا الصمـت يتشمّـت ويبكينـا سـواد الفـال=ويجحدنا الشرف .. بالفعل ما نحسب مـن رجالـه حيـاة ٍ سنّهـا الله تنتظـر مـنّـا ردود أفـعـال=ومزمـار الضعافـه بالرضـا يشـتـل مـوّالـه كتبنـا فـي سجـل وجودنـا مرثيـة التـرحـال=تعهّـد حتفنـا عصـر المـآل الشيـن وافعـالـه دخيلك يالمـآل اغسـل جنائزنـا كَـرَم وافضـال=ولـفّ اكفاننـا واجعـل ثـواب الصبـر نقّـالـه دخيلـك يالمـآل اجعـل مراسيـم العـزا زلـزال=يزلزل وضعك اللـي مـا سلمنـا جـور زلزالـه خلقنـا الله وسوّانـا وشرّفنـا نـسـاء ورجــال=وكـل ٍ تحـت رحمـة خالقـه يهنـاه منـزالـه من أول كانت الدنيـا علـى طيبـه وراحـة بـال=وعـدل ٍ كـل خلـق الله تفيّـا روعـة ظـلالـه اش اللي صار يحتار الجـواب ويخسـر المعـدال=وتبقـى السالفـه جـور ٍ يجـور ولا علـى بالـه مسمانـا عـرب نتوارثـه بتعـاقـب الأجـيـال=وطارينـا ألــم .. الله عليـنـا كـيـف نشتـالـه ونظرتنـا قناعـه بالنصيـب وصبرنـا رجــال=وكلمتنـا الأخيـره قـاعـده للعـلـم ورسـالـه يدوم الحـال وتـزول الجبـال ولا يـزال الحـال=عسى الله لا يغيّر حال من يرضـى عـن احواله |
اقتباس:
أخـــوك |
ماشاء الله تبارك الله سرد مفيد يعطيكـــــــ العافيه
|
|
علـى بـاب الـمـآل اغــرب خـيـال ينـاظـر الأحــوال وصـرخـات ٍ عـلـى الله تشتـكـي مــن قـسـوة الحـالـه يــدوم الـحـال وتــزول الـجـبـال ولا يـــزال الـحــال عسـى الله لا يغيّـر حـال مـن يـرضـى عــن احـوالـه ************************************************** ****** غردت مثل الطيور ترثي الحال وحال كل منا داخله جال ولاكل حال مثل حال سبحان الله مقسم الأحوال ودوام الحال محال أوصيك ونفسي على سحر الليل والدجى له سهاما تصيب كن فيه ميال ربك كريم ساعة إجابة كثر الصلاة والاستغفار ياكم ن استراح بال وياكم ن فقك أقفال تحمد الله أعطاك هذا الإبداع واستحال على غيرك استحال ماشاء الله .لا قوة الا بالله حروف حبات هيل لك وأنت فيهن فارس خيال |
أسال الله ان يذلل لك كل صعب يابو فايز
والله مبدع في تصوير الأحوال بشعر يهز الوجدان بوركت يا رجل |
علـى بـاب الـمـآل اغــرب خـيـال ينـاظـر الأحــوال وصـرخـات ٍ عـلـى الله تشتـكـي مــن قـسـوة الحـالـه باب الأمل مفتوح ما يقفله علَام الاحوال أشكي له وادعيه بعزته أن يغيرالحاله |
قصيدة مميزة ورائعه
من شخص عودنا دائما التميز |
الأخوة والأخوات الكرام
حفظكم الله ورعاكم .. وأشكر لكم حضوركم المشرف في ركني المتواضع كما أشكر لكم جميعا إشاداتكم التي أراها بمثابة أوسمة الفخر أحملها على صدري ما حييت ثم والأهم من كل هذا ( آتأسف لكم جميعا على تقصير معكم ، وأتمنى أن لا تأخذوني إلا بحسن الظنون ، إذ يعلم الله مدى انشغالاتي اليومية التي حالت بيني وبين دخول النت على الرغم من أن الجهاز والإتصال متوفران لدي في المنزل ، وفي المكتب ولكن يعلم الله إنني لا أتمكن من الدخول إلا من خلال فرص بسيطة جدا لا تمكنني من الإطلاع الشامل ) لكم جميعا موفور احترامي وتقديري |
| الساعة الآن 03:12 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
