الشيخ عبد الله له معزة ومقدار = كنه على قلبى خذاله وكاله
الليي معهيضني على بدع الأشعار = اخترت صافي الهرج وترك حثاله
الشيخ عبد الله كما السيف بتار = شيخ وابوه اختار منسب خواله
يامرحبا بالشيخ عد ماساير سار = وعداد من يقرون هذه الرساله
شروالك يابو خالد تسعد الدار = اشكى عليك من قل ماله أهانه
أنذال دقت بداخل القلب مسمار =والعرض عسى الانذال فدوة نعاله
اشكى من الأنذال والنذل مكار = النذل غصن مايضلل ظلاله
ديناك بها أنذال صغار وكبار =ترفع مقام اللاش لا كثر ماله !
هذا زمان صارفيه الأسد فار = والنمر يمشي خلف ذيك الثعاله
والراى صار لغير عصيمين الأشوار = وكل على كيفه يثب عقاله
نمامة نقادة غدارة دوم تغتار! =اللي يحكون الردى والرذاله
في ديرة قالوا بلاد فيها أخيار ! = اليا نهار الحرب تذكر فعاله ؟
اظنها يالشيخ عواصف مع اغبار = تدرج على الأحرار مثل المحاله
سلومها الغدر والمكر شبابة النار = رمادها يرمى بوسط الزباله
البيت الأبيض راس ماله وسمسار = اليا بدى المأجوب أرخص رياله
الناس مابين مسلمين وكفار = وكل على دينه يمشط سباله
ناس حصيلة دينها يصبح أصفار = ترمي الشريف يالشيخ اٍن قل ماله
مثل الذي له تواقيع وأشعار = أنا وغيري ماحد قد بكى له
يالله عسى الأنذال بقصاف الأعمار = يرمون في قبر سريع هياله
صلوا عدد ماتنبت أوارق الأشجار = على الرسول اللي بعث بالعداله

أنا أشكرالغالي على بدع الاشعار= من طيب أصله قايل ما طرى له
ماني بشاعر لكن القول يختار = مخرج ليا ما لقي رجل قباله
صنديد مثلك له مسافير واسفار = شيخٍ ولد شيخ والعز فاله
ترحيبكم غالي وله ألف مقدار = بعداد من يقرون هذي الرساله
خل التوكل على رب الابرار = واترك صغار القوم وايا الحثاله
هذي سنن ربي في الخلق أطوار = واحد يسد العلم والصبر ماله
وواحدٍ ثاني كما الطبل والطار = فارغ ولا ينفعك حتى ظلاله
عزي لكم من ضيم دهرٍ ليا جار = خابرك فارس مكتسي بالرجاله
إبشر بما ينقصك دنيا ودينار = والمعذره لو في كلامي مياله