يمشي اعمى لين طاح من الجبل متواسي=قلت يا مجنون تدري بالخطر وتعـدّي ؟
قال يكفيني ألم واربط عصابـة راسـي=لا تعاتبنـي بسبـة حظـي المـتـردّي
قلت لا تغتاب حظك مـا خبرتـه قاسـي=انت الاقسى والغبـاوه تاخـذك وتـودّي
قال أنا ما آني غبي لكن اطـاوع ناسـي=لين ودوني على جرف الهيـال تحـدّي
خانني ظني وجارا خطوتـي وسواسـي=قلت أبازيح الجبل وانثر حصـاه بيـدّي
ما هقيت ان الجبل باعلاه طيب انفاسـي=ولا توقعت النتائج في النهايـه ضـدّي
ولا هقيت ان الردى والخبث في جلاسي=والله لولا العيب يا ابن الناس لالطم خدّي
الجبل مني واشوفـه قامتـي ولباسـي=اشهد اني في حقوقـه مذنـب ومتعـدّي
كيف اسوّي واسترد الجاه والنوماسـي=دلني تكفى تـراي أكلمـك مـن جـدي
قلـت عـوّد للقـدا ولا تكـن متناسـي=القدا ثم القـدا احفـظ وصايـا جـدّي ؟
قال عزّ الله تبيّن لي قصـور احساسـي=ليه أنا اتابع هوى نفسي وهو مـا ودّي
قلت عادي والغلط مرجـوع لا تحتاسـي=كل ما في الأمر يا المطفوق هدّي هـدّي
قال كيف ارجع ثري يا خوي بعد افلاسي=دلني واحذر تشمّت بي وتبحـث سـدّي
قلت حاشا ما اتشمّت بك وساسك ساسي=لكن اوعدني وانا ما ابخل عليك بـردّي
احسن النيّة وخذ مني بَعَـض نبراسـي=والله اني في حياتي ما اتجـاوز حـدّي
قال تدري لازم اشرب علتي من كاسـي=كودي اصحى للخطر في روحتي ومردّي