منتديات ديوانـية القاريـه و لـحيفه الرئيسـيـة - عرض مشاركة واحدة

13-05-2012, 05:25 PM

كلمات سعد الخريجي
خلك مع اللي تهتوي يا عشيري
وأنا لي الله يوم عني تخليت
والله مصيبة يوم حبيت غيري
لكن أبصبر لو بالصبر ما أقديت
يا ما على شانك تجرح نظيري
ويا ما عليك بغطت النوم ناديت
حالي مثل حالي الحسير الكسيري
وآعزتالي كل ما أصبحت وأمسيت.
أحاول السلوان وأمره عسيري
الله يقدرني على ما تمنيت
عساه ما يشبه مصيرك مصيري
يومك على شانه ركضت وتعنيت
خايف عليك من الفلك يستديري
وتقاسي اللي مثلي اليوم قاسيت.
يمكن تحسف عقب وقت قصيري
يمكن تقول أنك على هجرك أخطيت
يمديك تفهم بس توك صغيري
يمديك تفهم ونتي لين ونيت
ما اظن مثلك عايش بلا ضميري
مهما تناسيت المحبة وصديت