منتديات ديوانـية القاريـه و لـحيفه الرئيسـيـة - عرض مشاركة واحدة - توفيت خالتي مزهره والدة أخواني محمد وسعود الحاقان

31-08-2012, 12:35 PM

رحمك الله واسكنك فسيح جناته يا ام محمد الحاقان
اللهم ارحمها واغفر لها ... ام محمد نادرة في الامهات ... ونادره في البشر .....
.................. عزائي للجميع ....
وهذي قصيدة وللأمانة منقولة ... وابو عبدالرحمن يعرفني شخصيا ، ولكني سأذكرّه قريبا من انا ... ليعرف ان ام محمد الحاقان ليست امه لوحده ولكنها والدتنا جميعا

خايف عليها من الثّرى غطاها...
والا الحصى حافي..أخاف أذّاها...
أكرم عليها بالكفن يامطوّع...
بالبيت ظلّ فراشها وغطاها...
أكرم عليها بالكفن هذي امي...
وإشهد عليها بما عطت يمناها...
هذي الضّحى والليل يتحرونه...
هذي السّماء ونجومها تنعاها...
هذي السوالف مثلنا تبكيها...
والأرض تنشد عن أثر لخطاها...
هذي الكبيرة كبر هذي الدنيا...
هذي العظيمه جلّ من سواها...
أبكي عليها مو نهار وليله...!
ولا سنه تمشي وأعد قضاها...
أبكي عليها كثر ماشالتني...
وكثر الحنين اللي إختلط بغناها...
وكثر الأسامي..وكثر من سمّوها...
وكثر النجوم..وكثر من يرعاها...
ابكي عليها من القهر يادنيا...
من لي انا؟ من لي عقب فرقاها ؟
من فتحت عيني.. ولا خلّتني...
أنا ولدها .. وحاضر .. وأفداها...
قطّعني هاك اللي تبي من جسمي...
بس الكريمه لا تجي بحذاها...
وأوصيك أمانه قل لها تعذرني...
وتكفى تروح تحب لي ماطاها...
أبيها تغفر لي مثل ماكانت...
كل خمله مني بطيبها .. ترفاها...
يالله عساها بالنعيم الخالد...
وعساها في جنة عدن سكناها...
يافضو هذا الكون .. ياهو خالي...
ياضيق هذي الدنيا .. يا مقساها...
يامر طعم فراقها.. يامرّه...
ماني مصدق أرجع وما ألقاها؟!
وشلون أجي غرفتها ماهي فيها؟
وش عذري لسبحتها .. ومصلاها ؟
شـ أقول أنا لدولابها , لشنطتها؟
واذا سئلني مشطها , وحنّاها؟
وعباتها , وماء زمزم , ومصحفها؟
والمبخره ,ورشوشها, وإدواها؟
الكل في غرفتها فاقدها ...
حتى الجدار .. مفطّر ويرجاها...
الكل يبكيها .. ماهو ناسيها...
يالله صبّرني شلون أنساها...
ياليتها ماراحت وخلتني...
أو وسعت لي بالقبر وياها...