25-12-2012, 09:08 PM
|
|
|
أديب وشاعر معروف / رحمه الله
|
|
|
|
طاري وفاء
طاري وفاء واحساس شاعر ومقصود
اســرار عـهـد ٍ يحتـفـظ بـــه مـقـامـي
أعـنـيـه بالـوقـفـه ولا أشـــح بـجـهــود
تـقـديــر لــلــي يـسـتـحـق احـتـرامــي
اش قـيـمــة الــخــوّه ونـيـاتـنـا ســــود
لا بـــارك الله فـــي ســـواد الـمـرامـي
كـل ٍ علـى مـبـداه لــه رســم وحــدود
لـكــن مـــا كـــل ٍ يـسـمــى نـظـامــي
فـيـه الــذي يمـتـاز بالطـيـب والـجــود
وصـفـات مـحـمـوده تـزيــده تـسـامـي
وفيـه الـذي بالذكـر مـا هـوب محمـود
جـعــل الـخـبـاثـه واهـلـهــا لـلـعـدامـي
انا مع اهل الطيب لا انقـص ولا ازود
والطـيـب مــا تخـفـى دروبــه أمـامـي
العـلـم مــا يحـتـاج لــه شــرح وبـنـود
عـنـد الــذي يـفـهـم مـغــازي كـلامــي
ارقـى مـع الراقـيـن عــن كــل منـقـود
النـقـد مــا يـجـتـاح سـطــح الغـمـامـي
يا عيني اللـي عنـدك القصـد مرصـود
تـخـيّـلـي مـــــا لــلأمـــور ابـتـهـامــي
مقامـك العالـي مــدى العـمـر مشـهـود
مـوّثــق ٍ بــيــن الـنـجــوم ابـتـسـامـي
يا عين دمتي فوق لـك وضـع ووجـود
مجـدك سمـاوي مـا يصـيـر انقسـامـي
حـقـك عـلـيّ اذود عــن مـجــدك اذود
بعـنـايـة الله يـــا غـــلا مـــا تـضـامـي
لا تستـهـمـي دامـنــي حـــيّ مـوجــود
عـهـد ٍ عـلـيّ انــك مـحــل اهتـمـامـي
إهداء لأذواقكم الجميلة
مع موفور احترامي وتقديري
|