قلبي عن الخفرات صكيت بابه

يازين انا غيرك تـرى مــــاتمنيت

قلبي عــــن الخفرات صكيت بابه

انت الوحيد اللي لك الصدر فكيت

فكيت لك صدرآ عــن الناس غابه

ويازين انافي حقك اليوم مااخطيت

يومك تسـل السيف لي مـن جرابه

سليت ســـيف الهجر ليه وصديت

خليتني مــــــابين هـــــــم وعذابه

مديت لك كف الغلا ثــــــم تغليت

ماخفت رب البيت ولا حســـــابه

لـو لي جنحان على الجنب رفيت

بارقا على متن الهوا وســــحابه

بقلع عن العالم من الارض مليت

الارض ضاقت لـو وسيعن ترابه

انته على لوعات روحي تجريت

لوعتني وا اخـــــــذت قلبي نهابه

خيااال طيفك زارني ثـــــم فزيت

قلت الســـــــلام ولاعطاني اجابه

انشهد اني مـــــــن حياتي توذيت

والحال يطويه الهيام ومشــــــابه

لاقبل علي الليل بـــــــا الليل ونيت

اون مـــــــن هـــمٍ بقلبي صطابه

يعطيك العافيه على الإختيار الراقي يا سعيد م أبودهام
بصراحه إستمتعت بقراءتها ... شكراً لك

مشكوووووور والله يعطيك الف عافيه

هذا يعبر عن حسك الشعري

تحياتي لك

شكراً لك يا ابو خالد فلقد اسعدني ردك وهذا كرم منك
وشكر ايضا لأحساس شاعر

مشكووووورياااسعيد ويعطيك العااافيه
نبي قصيده في الاتحاد

شكرا لمرورك على موضوعي وهذا شرف لي ووسام على صدري

اما قصده في الاتحاد فلا استطيع اعذرني