وصـــية

أحد الشعراء يوصي ابنه , وهذه القصيده عدت من معلقات الشعر النبطي

عزي لحالـك يـا عزيـز وأنـا ابـوك
كـان الزمـان اللـي وطانـي توطـاك


افهم وصاتي يـا عزيّـز وأنـا ابـوك
دامـك صغيـر وغايـة العلـم يقـراك


تراه مـا ينفـعءك خالـك ولا أخـوك
لا صار مـا تقضـي لزومـك بيمنـاك


وربعك ليا بـان الخلـل فيـك عافـوك
أقرب قريب ٍ لك مـن النـاس يشنـاك


إن كثر مالـك صدّقـوا لـك وطاعـوك
وإن قـلّ مـا بيديـك شانـت حلايـاك


لو تطلب الما عندهم كان مـا أسقـوك
ابعد مـزارك عـن وطنهـم ومربـاك


وإن طاب حظك صدقـوّا لـك وحبـوك
وإن بار كـلٍ مـا يبـي غيـر فرقـاك


وإلى إعترض لك من صروف النيا صوك
كـلٍ تبـرّا منـك مـاهـوب ويــاك


هرّاجـة المجلـس إلـى جيـت ورّوك
منـازل ٍ تطـرب نظـيـرك بدنـيـاك


وإلـى قضـو منـك اللـوازم وخلـوك
تفرّقوا وأنـت إحتمـل كـل مـا جـاك


كنّـك سـراج البيـت للنـور شبـوّك
وإلى إنقضى اللازم حدا الربـع طفـاك


ولاّ كمـا ليمونـة الحمـض مصّـوك
وإلى قضى منهـا الطعَـم فرّغـوا ذاك


واللي يجي من رفقتـه ريـب وشكـوك
إحـذر عنـه ليّـاك تصـدف بمسـراك


وإلى جفوك أهـل الوطـن وإستخفـوك
قلّـع غريسـك منـه وإهـدم ركايـاك


تراك لو تنجع علـى الربـع صعلـوك
أحسن من اللـي تلتجـي بـه وياطـاك


عطهـم وضيّفهـم إلـى منهـم جـوك
وإغلـق ضميـرك لا تعلّـم بقصيـاك


إن طبت ما حبّـوك وإن عبـت زالـوك
تمضـي حياتـك ناقـل ٍ داك بــرداك


وإصحى لخـلان الرخـا لـو تغالـوك
إعرف ترى أطيبهم إلى إحتجت يجفـاك


كنك خـوي مقيـط دهـووك وأغـووك
وحقك عطاك رشـاك وأقفـى وخـلاك


وإن كان عدوانك على الضيـق حـدوك
فإخصـم طلابتهـم بعجفـاك وقــداك


وإن كانهم لمشـرّف الحـق ماشـوك
ناظـر مطاليـع الفـرج قبـل مبـداك


وإن طاوعوا شيطان الأنفـس وهانـوك
فإصبر على البلـوى ودفنـك رزايـاك


زرهـم تـراك إليـا تونـيـت زاروك
إن ما بديـت لصاحـب السـو يبـداك


ما دامهم ما طاوعوا لـك وعرءفـوك
إضرب على الكايد إلى عمسـت اريـاك


لو هذبوك إمـن المصـاوب وضـدوك
مـا يذبحونـك قبـل تدنـي منـايـاك


وإحلم على الجاهل ترى الحلم مبـروك
وقم للضعيف اللي مـن الظيـم ينخـاك


وإدمح خطا جيـران بيتـك إلـى أوذوك
ترى القصِير وحرمـة الجـار بحمـاك


عطهـم لـوازم حقهـم لـو تناسـوك
في كـل مـا يصلـح لدينـك ودنيـاك


وقم للضيوف اللي لفوا لـك وضافـوك
أغلـى كرامتهـم حجاجـك وبـشـراك


وإعرف ترا مالك للأضيـاف مشـروك
لولاه يطلب حاجتـه منـك مـا جـاك


وقم للرجـال إن رايعـوا لـك وحبـوك
وإحشم خويـك وأكرمـه عنـد ملفـاك


وإلى إعتبـرت بسيـرة النـاس كفـوك
ما كثر مـن شـي أتعبـك ثـم عنـاّك


ولـولا تبـات بهـمّ دنيـاك مظـنـوك
ما طاب لك مـا دام لـك وإفتهـم ذاك


وصـلاة ربـي عـدّ الأوراق والشـوك
أو نـاض بـراقٍ ومـا هـل سـفـاك


على الذي ما فيـه ريـب ٍ ولا شكـوك
محمـدٍ .. مـا دك بالقـلـب دكــاك

نعم الوصيه وصح لسانك قصيده جميله ورائعه
يعطيك العافيه رائد

مشكور اخوي رائد؛؛؛؛ على القصيده اللي كلها تشع درر

ولك تحياتي،،،

مشكور اخوي رائد؛؛؛؛ على القصيده