سر ياقلم وأكتب كلامي بعد ماطال السكوت
كلمة وفا وابغاك ياراعي الوفا تفطن لها
الناس في الدنيا تعيش وفي أخر العمر بتموت
كالشجرة اللي مرها العبد وجلس في ظلها
الكل يفنى ماعلى الدنيا مقر ولا ثبوت
بعض المناوي يتعب الرجال ماياصل لها
أهون بيوت الخلق عند الله بيت العنكبوت
وأعظم بيوت الله ليا قدر هدمها كلها
تب قبل ماتطوى السنين وموعد التوبة يفوت
صم زك حج وجاهدوا كل الفرايض صلها
اذكر نهار يصير قبرك بيت من ضمن البيوت
وأهل القبور الله يعلم دوم وش يحصل لها
ينزل عليك من السماء مرسول لاوصلك تموت
والروح من بين الضلوع الضيقات يتلها
في ساعتا والصدر مابين التضايق والكبوت
كل العلوم اللي ترى فالقلب فمك يهلها
ياالله تجعل قوتنا يوم القيامة خير قوت
يامن تعز بعزتك قوما وقوم تذلها
هذي نصيحتا قلتها مير السموحه فالبيوت
إخذ النصيحة وانتفع وأما القصيدة خلها
نصيحتا برفع بها صوتي وأزيد الصوت صوت
أقولها واللي عقد روس الحبال يحلها
افضل ماكتب فى التوبه بصوت المنشد ساير البقمي كتبتها كتابه ونزلتها مقطع صوت لتعم الفائده وافضل سماع المقطع صوت جميل نفعني الله واياكم بمانسمع
الإهداءات
سر ياقلم
العرض المتطور