مشكلة ونرغب حل

ارجو التفاعل وماهي الحلول مع نظام قياس

هذه مشكلة طالب ( م. ن )

بسم الله الرحمن الرحيم
صباح الخير عليكم يا اطيب اعضاء ويا رجال وقت الشدايد
اخواني الكرام
انا طالب خريج من الثانوية العامة لهذة السنة 1431هـ
قسمها العلمي
بمعدل تراكمي 93.81 وتقدير ممتاز والحمدلله والشكر على ذلك
استانست وزانت فرحتي بدرجتي الطيبة وحسيت ان كل ابواب الجامعة تنتظرني من الشمال للجنوب
ومن البترول والمعادن لكاوست
لكن قدر الله على اخوكم انه يقع مشكلة مع اختبار القياس
الاختبار كان مرتين
المرة الاولى كانت مجموع درجاتي 64 معدلها العام
ورغبت مني في تحسينها لان العبئ بالكامل يقع على القدرات والتحصيلي قررت اعادتها
بعد اخذ دورة في اختبار القياس وطريقة الاجابة والتفكير
ودخلت الاختبار الثاني والحمدلله اختبرت وعملت المطلوب
لكن تفاجئت الان ان الدرجة تم حجبها عني !!!!!!!!!!
وكل ما اتصل عليهم لايردون علية واحد المرات ردوا وطلبو مني الحضور من جديد للاختبار !!!!
بحجة اني منتحل شخصية !!؟؟؟؟؟
رغم ان التدقيق في لجان الاختبار شديد و تم تدقيق بطاقتي مع شخصيتي اكثر من 3 مرات
ولخوفي من اعادة الاختبار ما رحت اختبر من جديد
وطالبين حضوري للاختبار في مدينة الرياض وانا من سكان محافظة الطائف
والان تم حجب درجة الاختبار التحصيلي ايضا
واصبحت مقيد بشهادة ثانوية عامة فقط !
والان بداء التقديم في الجامعات والكليات
وكل ما ادخل ابغى اقدم يطالبني بدرجة الاختبار التحصيلي والقدرات العامة
واعتقد انه راح اجلس السنة ذي في البيت حتى يفتح من جديد اختبار قدرات واختبار تحصيلي
رغم امنيتي الالتحاق باحد الكليات العسكرية
ارجوكم اخواني الكرام
ادعولي الله يفك ضيقتي وحسرتي
واللي يقدر يساعدني او يخدمني في شي لا يتأخر علية
انا راضي بدرجة 64 في القدرات القديمة ولا اجلس في البيت عاطل
او اضيع في الشوارع بسبب البطالة والعطالة

أرفع بخطاب تظلم لديوان المظالم
وصورة لوزارة التربية والتعليم للأحاطة
في كونك صاحب الحق وبأذن الله
تجد مايسرك تمنياتي لك بالتوفيق

حسبي الله عليهم .. أنا أول دقعه طبقوا عليه نظام القدرات عام 1424هـ
وكانت تجربه عظيمه علينا أتت بكل الهدم النفسي لنا في تلك الدفعه ..
تخرجت من الثانوي بنسبة 86.4% علمي وأختبرت القياس وهبط بمعدلي إلى 81

ولكم أن تقارنون مدى قبولي في الجامعات لو أنني قدمت بنسبة الثانوي .

أما بالنسبه لك ياأخي فوالله لو أنا في مكانك إني لأقلقلهم قلقله وإني ماأخلي محكمة ولاباب حق إلا وأطرقه وأطلع الدود من عيونهم .. والله شئ يقهر .

اسلوب تطفيش اسمه قياس

يقللون عدد المتقدميين للوظائف فقط بأسلوب علمي مدروس

هذي القصة اشبه بقصة اعرفها واعرف شخصياتها معرفه تامة
احنا ايش نعرف عن اختبار القدرات؟
القدرات انما قدرات عقليه من الخالق تتفاوت من شخص الى شخص ولكن في يد كل واحد يقدر ان يحفز ويساعد نفسة في تطوير مدارك التفكير والقدرة العقلية

ارجع لقصتي

قبل ما يقار الاربع سنين كان في اثنين اصدقاء مقربين جدا لبعض و فيهم الشبه الكبيرمن بعض
لكن الفرق بينهم كان في درجة القدرات
اختبروا الاثنين الاول جاب 56 والثاني جاب 76
فقرر الاول ان يختبر مرة ثانية وجاب 54
بعدها قرر ان يستعين بصديق هههههههههههه
صاحب الشبه الاكبر منه
واختبر و عين من الله خير
وبعد ما طلعت النتايج جاته رساله بأن يراجع مركز القياس في الرياض وبعد ما راجعهم قالوله الاختبر شخص ثاني موب انت والسبب الفرق بين الدرجتين السابقة والدرجه الجديدة
طيب والحل
الخلاصة بعد الاطالة
قالوا له عيد الاختبار وبما انه استطاع ان يجيب الدرجه هذي يعيد الاختبار عندهم في المركز الرئيسي
وزي ما يقولون " واثق الخطى يمشي ملكاً"


فــ للأسف في ناس نفعتهم درجات القدرات ورفعت معدلاتهم وفي ناس دمرت مستقبلهم

بس الووووواسطه استطاعت تجيب ارض شمال الرياض على ثالث شوارع وفوقها مليون ريال>>>يبي يلطف الجو

من يكسب اذا تركوا القياس حسبي الله عليهم