![قديم](lhefa/statusicon/post_old.gif)
17-10-2010, 10:40 PM
|
|
ياجرحي استأذنك بنام لي ساعـه
ياجرحي استأذنك بنام لي ساعـه●●
وارجوك تكفى دخيلك لاتصحّيني ●●
لي خمسـه ايام اعيش السّمع والطّاعـه ●●
ولك خمسـه ايام تامرني وتنهيني ●●
والمشكلـه جت عروق القلب فزّاعّـه ●●
مايكفي انك سرقت النوم من عيني ●●
ياسيدي الجرح قلبي يشتكي راعـه ●●
لا الذنب ذنبي ولا الموضوع بيديني ●●
حبيت واخلصت واثر الحب فقّاعـه ●●
روّح وباقي يموتني ويحييني ●●
غيري هدر دم عشق وللاسف باعـه ●●
غيري قتل كل حب بحد سكيّني ●●
وانا الي اصبحت للأخطاء شمّاعـه ●●
وادفع ثمن كل غلطه من محبيني ●●
قبلي في العشق ناس وتشكي اوجاعـه ●●
قالوا متاهـه وانا جيتـه برجليني ●●
بدايته سلسلـه والنّفس طمّاعـه ●●
اغراني ادري ولا في شي يغريني ●●
واليوم لو قلت يااهل الحب وطباعه ●●
انتوا على دينكم وانا على ديني ●●
اجبرني الجرح اعيش السّمع والطّاعـه ●●
حتى ولو قلت له ياجرحي اعفيني ●●
من خمسة ايام وانا في رجا ساعـه ●●
وان جيت بنامها جرحي يصحّيني ●●
مما راق لي
وانتقته ذائقتي
هيبة ملك
|