من الذكريات الجميلة

من أجمل الذكريات التي لا تزال تصاحبني ، وخصوصا فيما يتعلق بمسيرتي الشعرية .. تلك الذكريات الجميلة التي ربطتني بأخوة لي كان ولا يزال غلاهم وتقديرهم راسخا في القلب ، ومنهم أخونا الفاضل الكريم مديرنا العام المحترم عبدالله بن مفرح الشهراني ، قد يطول الحديث فيما لو استعرضت الذكريات أو بعضا منها ، ولكنني هنا أختصر على ما يتعلق بطباعة ديواني الأول ( أنين الخفوق ) والذي شرفني أبو خالد بكتابة مقدمته كما يتضح من الصورة التالية .. وكان ذلك بتاريخ 15 / 3 / 1409 هـ أي منذً ما يقارب الواحد وعشرون عاما
ولأن أبو خالد كان على إطلاع ببعض الظروف المحيطة بشخصي المتواضع فقد زاد على مقدمته هذه بالقصيدة التالية والتي ضمنتها ديواني المتواضع .. وقد عنونها أبو خالد بعنوان

(( نصيحة ))

حيث يقول :

أشوفك يا عبيّد عازم ٍ تطبع لك الديوان=ومن رب ٍ خلق هالكون نطلب لك عوافيها
مما جرى لك قلت شيء يشفي الولهان=جمعت القصائد بعد نظمك قوافيها
عبرت فيها عن حبيب لكم زعلان=بعد المودة صار ناسي زين ماضيها
نصيحة يا ابن فايز لا تسرّع توصفه خوان=ابحث ظروفه واسمع الأخبار وش فيها
وارسل أمين السر وابذل غالي الأثمان=ترقب للخبر ياتيك لو طالت لياليها
ترى المحبة غالية جدا ولا تنهان=تأكد وش اللي صار في الدنيا حواليها
ان كان جاك العلم زين فاصطحب الاخوان=وانص المعزب ( أبوها ) عسى ربك يسويها
وقل له يا عم جيت لقربكم طمعان=وهذي علومي بينات ما يحتاج نخفيها
عساه يكون جيّد ويتجاوب بكل احسان=يوافق لك على المطلوب وجروحك يداويها
وان كان بان الغدر منها فالعن الشيطان=ولا تبدي الندم والناس لا تدري بجافيها
وفي خصائب الأرض دوّر زاهي الألوان=من الثمار الطيّبة تلقى وباليدين تجنيها
تحوّل بها واسكن وفيها تنصّب الصيوان=واترك قواحل الأرض لا يعميك سافيها

**********doPoem(0)

وقد عارضت قصيدة أبا خالد الرائعة بقصيدتي التالية .. بعنوان :

أنا أحييك

يا بو خالد تسلّمت الرسالة تحمل القيفان=تبيّن لي اهتمامك يا بن مزهر من معانيها
قصيدتكم عزيزة يا فتى محكومة السيسان=يعيش اللي نظمها والحكم بانت مبانيها
انا احييك يا شهم ٍ صديق ٍ صادق ٍ ما هان=عليه الوضع يوم النار شبّت جا يطفيها
لا شك انك تعْرف اللي جرى لي بسبة الخلان=دروب الحب سهلة مير تصعب يوم نمشيها
حياتي ما استقرت يا ابن مزهر ما لها ميزان=وحياة ٍ ما لها ميزان كيف أحوال راعيها
سنين ٍ طائلة مرّت وقلبي في الهوى تعبان=تمنيت المحبة تنشكي يا ناس واشكيها
لكني دائم أجامل وأخفّي بداخلي الأحزان=ولا ادري ان الليالي المظلمة ينبان ماضيها
صحيح انها اوعدتني بالوفا في ماضي الأزمان=لكن تقلبت الأيام الأول صار تاليها
وانا ما اقول لك خانت تراه الحظ فينا خان=وفاتت والعيون بدمعها المنثور تبكيها
ولن كان الحبيّب مخطي ٍ ما اصير أنا غلطان=باداوي المشكلة واحاول اخرج من بلاويها
وانا ما بانهزم وان كان طالت لوعة الحرمان=ونفسي من شقاها باطلب المعبود يشفيها
وهذا ما جرى والخط يوضح لك من العنوان=حياتي محزنة ما يعجب العربان طاريها

**********doPoem(0)

اتمنى أن يروق لكم هذا الموضوع
ولكم التحية والتقدير