20-08-2012, 06:14 AM
|
|
|
من روائع فنان العرب.
فز الخفوق وقلت يالله عسى خــــــير
أثر اليالي عاد غايب قمرها
عيون خلاّن(ن) تعانق نظرها
يفزّ له قلبي كما فزّة الطير
و الرجل كن اللي تحتها غدرها
يا صبح عمري يا صباح التباشير
نوره ملا قلبي و روحي غمرها
عقب الفراق اللي تعدّى المحاذير
يبّس غصون القلب جافي دهرها
ربّع بـروحي عقب ماهي معاسير
سحابة(ن) هلّت بقلبي مطرها
و اسقَى بها زرعة هوانا بتقدير
غرسة غرام(ن) بالمحبه بذرها
يا عاذلين العين والله مخاسير
و اللي درَى عن حال عيني عذرها
تشوم عيني عن جميع الغنادير
و إن ناظرت عيني فوادي نهرها
يا ناس احبه و المحبه مقادير
هذا هوَى نفسي و هذا قدرها
و الحب ماله يا اهل الحب تفسير
قلبين و الله بالمحبه امرها
لا جيت اصوّر حالة الحب تصوير
و أرد عن حالي لخلّي خبرها
لقيت وجدي فوق كل التعابير
كل الشعر قطره و شوقي بحرها
|
الإهداءات
العرض الشجري