ابيات اعجبتني من يعرف قائلها؟

معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا
ماادري من القائل لكن صح لسانه

يقال انه الشاعر عبدالله الطلحي الهذلي

عبدالله بن علي الهذلي

سلمت يمينك يابو أحمد على الإختيار الذي يحتوي حكم بالغه ونصائح ثمينه وقد تساءلت عن القائل فقمت بالبحثت عنه ووجدت ما أريده في لحظة نزول موضوعك ولم أتمكن من المشاركه في حينها ( زهموني للغداء ) وكان نتيجة ذلك أن سبقني تايقرررررر بطرح الإسم . عند ذلك تذكرت مقولة لا تؤجل عمل اليوم إلى غد وإليك نبذة عن الشاعر كتبها ( مازن بن عبدالله البقيلي الهذلي )

نبذه عن الشاعرالبطاقه الشخصيه
عبدالله بن علي الطلحي الهذلي من مواليد عام 1378 هـ متزوج وله سته من الأبناء. ولد . وخمس بنات . ويعمل موظف بأحدى القطاعات الحكوميه
علاقته بالشعر

بدأت علاقة الشاعر عبدالله بالشعرمنذو سن مبكره حيث أخذ يمارس كتابة الشعر وكانت اول قصيده تشهد بولادة موهبة الشاعروعمره 13 عاماً. وظلت حبيسة الأدراج حتى رأت النور بعد ثلاث سنوات من كتابتها وتم نشرها في مجلة اليمامه وكان عمره آن ذاك 16 عاماً. وسأورد بعض من أبيات القصيده وهي عباره عن بيتين فقط لطول عمرالقصيده.
ان كنت متكبر علينا ومليت الله يسهل للمقفي سبيله
من باعني بعته بغيره تسليت لا بد من يومٍ نلاقي بديله
وحرص الشاعر بعد ذلك على ممارسة الكتابه والعمل على تطويروصقل موهبته . كما عمل الشاعر أيضا على نشر العديد من قصائده من خلال المطبوعات المحليه والخليجيه التي حرصت على تواجد الشاعر المبدع وأخذت تلاحقه . ومن أبرز المطبوعات آن ذاك مجلة اليقضه الكوتيه التي كان يرأسها المرحوم بإذن الله غازي بن صفوق الظفيري . ومازال شاعرنا مستمر في كتابة ونشر قصائده حتى هذا الحين .
كما أن له العديد من القصائد المنشوره في المواقع الألكترونيه الموجوده على الشبكه العنكبوتيه .
شارك في العديد من البرامج التلفزيونيه المهتمه بالتراث. كما أن له عدد من القصائد المنشده والمسجله لدى بعض البرامج الدينيه في القنوات الفضائيه .
دواوينه الشعريه
له عدد من الدوواين الصوتيه وهي/ ديوان تراثيات 1 , ديوان تراثيات 2 , ديوانا غلطان ، ديوان حكمة الصمت.. وجميعها متوفره لدى محلات بيع التسجيلات الإسلاميه
وله ديوان مقروء بعنوان عقود القوافي.
أمسياته
شارك في العديد من الأمسيات الشعريه سواءً على المستوى الرسمي أو الخاص وصلت فيما يزيد عن (1000) ألف أمسيه ولايمكن لنا حصرها .
القابـــه
كتب الشاعرعبدالله في جميع أغراض الشعر وأجاد وأبدع ولكن مايمز هذا الشاعر في كثيرٍ من نصوصه هي حكمته المنبثقه من رجاحة عقله ونضوج فكره سواءً على المستوى الشعري أو حتى على المستوى الإجتماعي وهذا ما إنعكس بالفائده على شعره لذلك لقب بشااااعر الحكمه وقد لانجد نص من نصوص الشاعر يخلو من بيت حكمه. وبقيت صفه تميزهُ عن كثير من شعراء جيله .
وقد قال عنه الشاعر حماد المطرفي وهو يشيد بقدرة عبدالله الطلحي الهذلي لتوظيف الحكمة داخل قصائده والفخر به . حيث قال في احد المساجلات بينه وبين الشاعر عبدالله الطلحي الهذلي :
تسلم ياعبدالله وصح لسانك نوادر ابيات الحكم تنسب له
فارق قصيده عن قصايد غيره كا الفرق مابين الذكي والأبله
لآ شفت عبدالله وشفت الحكمه اتقول ذا عنتر وهذي عبله
وليس حماد فقط من ذكر ذالك فهناك كثير من الشعراء الكبار الذين أشادو بشعر عبدالله وحكمته في الشعر أمثال الشاعر الكبير المرحوم بإذن الله فيصل الرياحي والشاعر العملاق عمر الخالدي الهذلي والشاعرالمتألق تركي الميزاني والشاعر المبدع محمد بن حوقان وغيرهم من الشعراء الكبار الذين أشادو بقدرة شاعرنا على ربط الحكمة بقصائده حتى اصبحت جزءً لايتجزء من شعره .
هذا مأستطعت حصرهُ في سطور .وهناك مالم استطع حصره عن هذا العملاق الذي نشأنا على صوته واستفدنا من حكمته .
==========================
إنتهت مشاركة مازن الهذلي وسلامتك ومن يقرأ

مشكوووووور والله يعطيك الف عافيه

اشكر الجميع

حقيقه اني اعرف اسم الشاعر ولكن احببت ان اشدكم للبحث والاستمتاغ بهذه القصيده الجميله

والشكر موصول لابو خالد على هذه النبذه المفصله للشاعر

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا
ماادري من القائل لكن صح لسانه
ابو أحمد حقيقة اطربتني كما اطربت غيرى بهذه الابيات التي قد تجمع في معانيها خصال الرجال امثالكم وامثال احبائي في المنتدى جميعا وكيف يمكن ان ينتقي من يجالس ومن يختار. وان كنت مثلكم لا اعرف قائلها وان ذكره بعض الاحبه ولكن انت نقلت شى بقناعة وهذه قمة الاختيار ومثل ما قالو الطيب لا ياتي منه الا طيب ..
ابو احمد لكم محبتي وتقديري.