السليق
اليوم غداكم أو عشاكم (زي ماتحبوا )
السليييييق
بالدجاج أو اللحم ( زي ماتحبوا )
وبالأخير ماننسى السلطة الخضراء معشوقتي
أما السلطة الحارة بالكزبرة أو بدون ضروري وجودها
وسلطة الفواكهة صديقتنا بصراحة أحبها
نبدأ بسم الله
المقادير
_2حبة دجاج وأفضل الحجم الوسط
أو
- لحم ضاني هبر بعظمه
و(الكمية اللي تكفيكم علشان الاسراف حرام )
- ارز مصري مغسول ومنقوع وانا استخدم رز ابو بنت او ابو سيوف ..
وأغش شوية مصري معاهم أممممم تمام
- حسب الكميه اللي تحتاجيها
- حليب ممكن السعودية +قشطةلونا
- ملعقتين سمن بري إذ مافية الفارم يوفي بالغرض وإذ خاييفين من الكرسترول مو ضروري
_ ملح + هيل + مستكة
نسلق ( اللحم أو الدجاج ) مو أنا ماني عارفة أنتو تبغوا لحم أو دجاج أنتوا بعدين أطبخوا اللي يعجبكم
المهم بعد التنظيف والتقطيع ونكون غلينا الماء نضع عليه المطلوب ليستوي مع قليل من الملح وحبتين هيل
فيه ناس يحبوه مهري وفيه ناس يحبوه نص نص ويكملوا سواه بالفرن
يالله صفي المرقه بمصفاه ناعمه واعيدي مسلوقة اللحم تغلي
اضيفي الرز وتاكدي من ان الماء تغطيه تماما
واتركيه اللي ان ينضح ويصبح لينآ
وافضل نضع اللحم بالفرن
ثم ضعي الحليب والقشطه على الرز وقلبيه وقلبيه واستمري بالتقليب واستمري .
وتحبوا تحطوا القشطة الان في آخر دقيقة أنا افضل كدا
وكمان السمن سخنيه وحبتين مستكة و أفضل
نضعه بعد الغرف على الوجه شووووية موكثير زي الشكل
ويقدم مع السلطه الخضراء والسلطه الحاره
وصحه ووووووووووووعافيه علىقلوبكم
أوووه فضيحة نسينا سلطة الفواكة
عادة نستصعب الشئ
كيف نسهلة
نجيب التفاح ونقشرة ونقطعه قطع صغيرة
ومثله البرتقال والموز واي فاكهة عندك
وهات عصير مانجو الربيع المراعي او اللي تحبي
واي عصير تفضليه واسكبيه في الجك وضعي عليه قطع الفواكة
ان شاء الله يعجبك انا يعجبني
قولوا عجبكم بدون مجاملة
التعديل الأخير تم بواسطة الطفلة البريئة ; 20-05-2011 الساعة 05:08 PM.
|
الإهداءات
العرض العادي
