من بادي الوقت؟؟

يا قديم الغوص في بحر الهوى
وش لقيت بغبة البحر الغزير
علم الي جس شطه وارتوى
ما بعد جرب طويله والقصير
قالوا انه من جميع امر حوى
فيه سر وفيه شر وفيه خير
واسمع انه من ركب موجه دوى
من فعل موجه غريقه يستجير
واسمع انه من لمس شطه غوى
ما يفرق بين بحره والغدير
واسمع انه من على تركه نوى
يجذبه سحره ويرجع له كسير
لو تجرح فيه قلبه واكتوى
ما يتوب ولا يريح ويستخير
وش جمع حلوه على مره سوا
هي حلاة الحب في الكأس المرير
رغبوني لين قلبي له هوى
وانذروني لين صدقت النذير
خوفوني منه والقلب التوى
راغب ومعيف والخايف يجير
هو صحيح ان الهوى ماله دوا
خبر الي جاك عاني يستشير

خالد الفيصل بن عبدالعزيز

من اشعار خالد الفيصل
غريب
غريب ومسافر لحالي ودروب الايام تعابه
أدور المنزل العالي أزايم الحمل وارقى به
ما احب انا المركز التالي الاول اموت واحيا به
وش عاد لو ثمن غالي روحي على العز وثابه
ماهمني جمع الاموال زهاد بالمال واصحابه
من فيصل اعيش بامثالي ادرس وادرس من كتابه

يا قلب
ياقلب لا تجزع لما سووه الله كريم يعدل الميله
من شال درع الصبر ما طالوه الصبر مضمونه محاصيله
الللي لقينا قبلنا لاقوه ياما كريم ظلم في جيله
ترى صليب الراس لو حدوه ماينثني لى عالت العيله
يالعن ابو رجل إلى ضدوه ما يرتكي للحمل ويشيله
.................................................. .................................................. ...............
نواف الزامل

فدوة عيونك

فدوة عيونك لو غدت روح مغليك

وش عاد لوراحت لعينك عشاير

ابيع مايغلى على الكون واشريك

واسوق لى جتنى علومك بشاير

وازعل جميع الناس بالحيل وارضيك

واصبر ولودارت على الدواير

وآخذ من ايامي لك ايام واعطيك

وان راح عمري لك فلا هو خساير

لكل الشباب ...

تنشـــــــــد عن الحــــــــــــــــال
\\
\\
تنشد عن الحال .. حالي كيف ما شفتــه

وأنا أحسب إنك .. قبل ذا الوقت تدري به

تنشد عن الحال .. هذا هو الحال

في خـاطـري لك كلامٍ .. ميـر ما قلتــه

أجنبـك مـا يحسـك .. لو حياتـي بــه

تنشد عن الحال .. هذا هو الحال

همٍ جديـدٍ علـى الأول .. تحملتــــه

عنـك آتحمـل كبير الهم .. وأمشي بـه

تنشد عن الحال .. هذا هو الحال

رحـت أتمثـل بطبـعٍ لك .. تعلمتــــه

لصـار لك غالـيٍ .. ليـاك تشقي بــه

تنشد عن الحال .. هذا هو الحال
\\
\\
شعر : خـالد الفيصل

يالبيه يالقلوب النديه يا مخاوي الذيب و تنشد عن الحال؟

واضح الجميع من عشاق شعر الأمير خالد الفيصل ((دايم السيف ))
فشعره يمتاز بالرقة والبساطة والشفافية والرومنسية
روائع شعره يتذوقها الجميع
من إختياري
شكرا لكلا السمو

لا يطول غيابك

الستين مـــــرت الستيـن والشايـب طفـل توي أدرس في كتــــاتيـب الحيـاه مرت الستيـن مــــــــــازال الجهـل كل ما جيت استره يكشف غطـاه مرت الستين فـــكري مـا اشتعـل كلمااشعل جذوتـه وقتـي طفــــاه مرت الستين دربـي مــــــــا كمـل واقف في راسـه أتأمـل مـــــــــداه ألتفــــــت والوقـت يدفعنـي عجـل ماانتهيت من امس وباكر ذا سناه كل يوم أقـول فـي بـــــــــاكـر أمـل وان حضر بـــــاكر رجيت اللي وراه أرفع الهقوات لــــــــــو حظـي نـزل واقنص القاع الذي مـــا احد وطـاه المراجـل مـا بطلبتهـا خجـــــــــــل يخجل اللي يقــدر الطيب وعصـاه السنين اشعـــــار والشاعـر مثـل يفهمه من شاف بــــالعقـل وقـراه أكتب الايـــــــام في شعـري غـزل كـــل بيت عاش في عمري حيـاه اللهم إرحم أُمي رحمة واسعة

((( أغنم زمانك )))


أغنم زمانك امانه يا حبيب أغنم
أغنم وعادك صغير السن طيشاني

خايف عليك بعد ستعشر سنه تندم
تنسى شبابك واحبابك وتنساني

ياللي العسل من شفاتك خلنا نطعم
ياللي جبا لك عسل حالي وشي ثاني

ذا الليم ياللي بصدرك قلنا من كم
وارمي بحبه جبا يا قرة اعياني

من عجبتي نظرت البحر كالخاتم
ولا أفتهملي انا في اي الاوطاني

وذا الهوى الي بقلبي ربنا يعلم
ماحد بيعلم بما في حالة الثاني

خاطر معي بالهوى في حبكم مغرم
ياريت أنا أزورك في كل لزماني

من يوم هويتك وأنا هايم وبك مغرم
يا حبة الخوخ يا تفاح صنعاني

متى تقل لي أحبك أي حين أعلم
اسرع بوصلك تطفي نار أشجاني


ودي واشواقي ,,,,,

تسلم الأيادي يا كل من شارك . وتنشد عن الحال؟؟؟