قصيدة في زوجة الوليد

قصيدة الشمري في زوجة الأمير الوليد بن طلال بعد ظهورها الجريء في لندن وهي كاشفهوكأنها ليست بمسلمة ولاتمثل السعوديات

عيب( ن) على العتبان يابنت عيدان

بين الأجانب ساقك اللي ظهرتيه

ياحيف بنت الشيخ بأوساط الأعيان
الشعر منهــا قذلـتـه من يراعـيه

جمـال نجـد اللـي به الكـلفـتّـان
في حشمته يكمل الين افتخر فيه

ماعـاد باقـي لك من الغيرة ألـوان
وين السنع ياخوك والكــل يطـريـه

ياسود وجه القوم من عقـب مابـان
وجه المـره بين الربـوع المشاريـه

لاواحسـايـف بنـت الأجـواد تـنـهـان
في منـظـر مـابـه لـزوم ن نراعيه

والله ماحـدّ الـقـلـم يـكـتـب أوزان
إلا لـغـيـرة فـي ضـمـيـري تـنـاديه

لانـي كتـبـت انـقـد ولانـي بغلـطان
الحـق واضـح والـحـقـيـقـة تـواريه

وينـك عـن اللـي ذكـرها بالملا زان
الجـوهـرة بـنـت الشيـوخ المـنـازيه

أميـرة الحـشمـة على تـاج الأوطان
بنت الامـام اللـي رفيـع ن معـالـيه

يوم ظهرت في لبسـهـا عـزالايمـان
طـهـر المـره بالسـتر يـزين طـآريه

صح لسانك رائد والله انها شرهه

رووووووعه القصيده الله يسترنا في الدنيا والاخره

اللي يخرج عن مذهبنا وقيمنا وتقاليدنا مانتشرف به أن يمثلنا

لن نبيع حيائنا بالمال اسأل الله أن يجملنا بالحجاب
طرحك جميل دمت بسعادة