صفر خمسه أربعه .. وآخـره خمسـه سبعتيـن

دق جوالـي وأحـس القلـب يومـه دق .. دق
صفر خمسه أربعه .. وآخـره خمسـه سبعتيـن
قلت في بالي وش الطاري عسى المحبـوب رق
من ثمان شهور ما يسأل عسى الطـاري حنيـن
المهـم أنـي ذكـرت الله .. وقلـت الله حــق
واضغط الزر المحدد .. سم .. عفوا .. أنت مين؟
قلتها وأنـا أعرفـه ميـر الثقـل حـل وسبْـق
قال أنا اللـي متصـل وأرجـوك زيّنهـا تزيـن
قلت (يعني) قال يعنـي شوفنـي ميـت زهْـق
ودي أسولف معك من غير جيـم وغيـر سيـن
قلت تآمر قـال تسلـم وابتـدا كشـف الـورْق
واسمعه دق (السبيكر) قلت .. عونـك يامعيـن
قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن
قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن
قال شعرك .. قلت شعري .. لا ابد طـب وتنْـق
كل خفّاقي قصايد .. مـن يسـار ومـن يميـن
قال كبه .. قلت أكبه .. قـال والمركـب غـرْق
قلت مركب ايش هذا .. قـال طحـت بهالكميـن
ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن
بالغلط دقيـت .. وأحمـد ربـي الـرازق رزْق
والله أعلم انـك مشبـه علـى شخـص ثميـن
قلت لحظه ماهي الدعوه صحـن خبـز ومـرْق
اصبر اصبر خلني أعرف مكـان اللبـس ويـن؟
قمت أراجـع رقمـك الموجـود واشوفـه فـرْق
أنت خمسه سبعتين وذاك سبعه خمستين!!

من إختيار ذائقتي ... هيبة ملك

خطيييييييير

شكرا لمرورك على موضوعي وهذا شرف لي ووسام على صدري

والله مبدع في الاختيار الموضوع والكلمات الرائعه...

حياك يالغالي سعدت كثيراً بتواجدك في متصفحي ...

ذائقة رائعة راقيه
هيبة ملك هكذا الذوق والا فلا ! ! !

الأروع مرورك أستاذي الفاضل ...

بصراحه صرت الوم نفسي والوم جهازي
الي خرب في وقت ماله داعي
كان ودي ابديلك حسن أعجابي
هيبة ملك
كم هو جميل ذائقك وحسن أنتقائك
لمواضيعك
دمت بود