ورده بس عرفتي تجرحين

لعنبو قصة غرام كل أبوها كلمتين ....أبتدينا عند احبك وأنتهينا عند باي
تونا مامشينا في الهوى لو خطوتين .... وانتهى الموضوع هيك بكل سهوله تحكمين

وين أحبك وين اريدك وين ساكن حشاي .... يمكن أنك ماوفيتي يوم جيتي تعشقين
ويمكن أنك تحسبيني أتبعك من دون راي .... يمكن أصلاً ماعشقتي بس كنتي تعلبين

ويمكن أنك ماوصلتي في هواك لمستواي .... ويمكن أني ماعرفتك في الحقيقه وش تبين
ويمكن اني خنت نفسي يوم عطيتك وفاي .... علميني في الهوى ياجاهله وش تعرفين

تعرفين انك غديتي شي يجري في دماي .... علميني في العطاء والتضحيه وش تفهمين
لا نعنبو حيك علشانك سبت أقرب أقرباي .... كنت اشيل هموم قلبك وأرمي همومي وراي

كنت أطير من السعاده يوم أشوفك تضحكين .... كنت ذايب في هواكي مثل سكر وسط ماي
كنت نايم في العسل وأرسم من الفرحه سنين .... كنت أضنك قلب عاشق ماسكن وسطه سواي

ماوعيت الا وانتي في خفوقي تطعنين ..... ماوعيت الا وسيفك في الحشى رايح وجاي
ورده أي والله ورده بس عرفتي تجرحين ..... كل شي فيني جريح الا فخامة كبرياي

ماتأثرت بغيابك وش يعني دمعتين .... بكره أنسى صدقيني وأرجع بكامل قواي
أدري ان حنى أفترقنا بس أبفهم حاجتين ..... علميني وش كسبتي علميني وش خطاي

لعنبو قصة غرام كل أبوها كلمتين ....أبتدينا عند احبك وأنتهينا عند باي
تونا مامشينا في الهوى لو خطوتين .... وانتهى الموضوع هيك بكل سهوله تحكمين
قصيده رائعه جدا وقد سمعت هذه القصيده وقداحدثت خلاف كبير حول قائلها
وقد نسبت لزايد الرويس وقد انكر ذلك
فمن قائلها ؟
الاخ سعيد اختيارتك دائما جميله وانا دائما اتابع مواضيعك المتميزه (الانيقه )

ولك تحياتي,,,

صح لسانك ابودهام؛؛؛

يمكن انك ماوصلتي في هواك لمستواي
ويمكن اني ماعرفتك في الحقيقه وش تبين

والله انك جبتها على الجرح وليت المقصود يفهم ؛؛؛؛؛؛؛؛؛؛؛؛؛وربي ذوق

ولك تحياتي،،،

دائماً ذؤؤؤؤؤؤؤؤؤؤؤؤق ياسعيد ويعطيك الـــــــــــــ1000ـف عافيه على تميزك في مواضيعك

تقبل مروري
تحياتي اخوك:al.mgr007

قصيدة رائعه

من شخص رايع تعودنا منه جمال القصايد وعذوبتها

تحيتي
عبدالعزيز