لا ضاق صدرك عالي الصوت جره ~

لآضاق صدرك عالي الصوت جره
لو كان قلبك ما يطاوعك بسرور

دنياك لو تسوى من الحِزن ذرّه
ما كان تاليها توابيت وقبور

وما كان للكافر بعمره مسرّه
وما شفت في ملكه ملايين وقصور

العمر يمضي بين حلوه ومرّه
والموت حق وقابض الروح مأمور

دام الحياه الفانية مستقرّه
ورزقك يجيك وبين الأجواد مستور

لاتنشغل بالوقت برده وحرّه
واحذر تصير بقسمة الناس مقهور

وحكم القدر لاجاك خيره وشرّه
أشكر عظيم الشان والذنب مغفور

والمجلس اللي يزعجك لا تمرّه
خله تراك بشوفته منت مجبور

والرجل سقها في صحاصيح برّه
ومد النظر مابين ريضان وزهور

لا صار وجه القاع ما فيه جرّه
والمشي حافي والثرى توممطور

ساعات صمتٍ ما وراها مضرّه
تسوى الكلام اللي به إذنوب وإشرور

أطلق خيالك وأترك النفس حرّه
وخل الطبيعه في حياتك لها دور

وبالليل لا بانت نجوم المجّره
أذكر بديع الخلق بـِ إحـساس وشعور

واسجد لرب الكُون مره ومرّه
وإحفظ لسانك وأترك الكذب والزور

وفروض ربك خلها مستمرّه
وطاعتّك لا يدخل بها نقص وقصور

ودنياك لو تسوى من الحِزن ذرّه
ما كان تاليها توابيت وقبور

ولكم تحياتي,,,

صح لسانك وكل أحساسك

صح لسانك ... وعلا شانك

صحيت وكفيت ..
لاضاق صدرك عالي الصوت جره
أصبح الإنسان بطبيعته الشعبيه يجر تلقائيا الصوت لأي قصيده وينسج لتلك القصيده أروع أنواع الألحان والموالات .

اخوي صدى الكتمان
ابدعت ابدعت كلام قمة
راااااااااق لي
تسلم يمينك ياصدى منتدانا الغالي
دايم مبدع مننحرمش

صح لسانك ( صدى الكتمان )
ماراق لك جميل كجمالك

يسلموااااااااااااا
صدى الكتمان

روووووووووعه

ساحر البسمه و هيبة ملك ومازن الشهرانى و اريج الشوق و نزوة قلم و اريام

شكرا لمرورك

ولكم تحياتى ,,,

ماأجمل تلك المشاعر التي
خطها لنا قلمك الجميل هنا
لقد كتبت وابدعت
كم كانت كلماتك رائعه في معانيها
دائمآ في صعود للقمه