انواع رقص الحريمـ هههههههههه
صباحكم كلو عسل مع قشطه ولبن نياق كيفكم كلكم وش سويتو من يوم رحت منكم رحت الساعه 9 الين الحين
وحشتوني كلياتكمـ المهم وربي ومالكم علي يمين اني رحت اليله عرس عتبان وقرشيين في جده القاعه روز
قاعه فخمه وتجنن بس تعالو شوفو المعازيم ربي يحفظهم ما فيهم غير كل علم زين كرم وطيبه
بس بعض العادات شينه اكثرهم لبسيين براقع وكاشخيين وكل شوي يرقصون بس بدون ما يفكون براقعهم
ونواع الرقص مره على يادار لا هنتي ولا هان راعيك ومره يازين مدري من بينهم
وغيرها انبسطنا والله ضحكنا مرره على المناقز والمطامر وتذكرت انا والبنوتا الي كانو معي هذا الايميل :
ايميل جاني قلت والله ما يناسب هذي اليله غير ذا الأيميل ههههههههههههههه
وكل ما رقصت وحده تذكرنا الرقص الي بقدمه لكم طبعن مو كله بس بعضه ههههههه
تفضلو عرسنا اليله وتخيلو انا اي وحده فيهم ههههه بسم الله نبداا
"""""""""""
طبعاً مثل مآيقولون الكتآبـ مبيّن من عنوآنه
الحريم فالزواجات حدّث ولا حرج وبالذات إذا جت حزة الرقص 
منهن من تثير الشقفة ومنهن من ترسم علامات التعجب فوق راسك
ومنهن من تجعل المتفرجين يرددون ( الحمد لله على نعمة العقل )
من أ ن تضع قدميها الكريمتين عالكوشه إلى أن تنهي وصلتها الاستعراضية
/
l
/
والحين نكشف الستآر عن الموآهب المدفوونه
وحدة تهز الوسط ؟ 
- والثانيه: ترج المناطق العلوية وما جوارها بتوقيت الرياض 
- والثالثة: تنفض شعرها بطريقة الفريرة تقولون داخلته حشرة تبي تطلعها 
- والرابعة: تحرك يديها بطريقة لولبية كوكبية متوازية الاضلاع كنها تخبز تميس 
- والخامسة: تطامر يمين ويسار كسرت ارقاب الاوادم من كثر ما يتلفتون 
- والسادسة: تترنح على أنغام البوب بطريقة هستيرية كنها صرصور باخين عليه بف باف
- والسابعه: تتهزهز تقولون ماسكها كهرب 220 فولت 
- والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور 
- والتاسعة: ترقص جنب الطقاقات وتخش في وجيههم عشان يزينون لها الطق
والطقاقات ودهم يصكونها بالطيران من الطفش منها ( الحمد لله إني مانيب طقاقة) 
- والعاشرة : تسوي حركات تخليكم تشكون في قدراتها السيكولوجية والفسيولوجية والامبريالية!!!! 
..........
كله كوووم واللي يلبسوون برآقع في العروس كوم ثاني
( تدق التسريحة والمكياج والفستان المشخلع وتلبس برقع )
وشلون تجتمع ماااااااااأدري؟!! نفس الي حصل اليله بعرسنا ههههه
وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شيّن يعيقه  )
وإذا وصلت الكوشه تمسك البرقع بأقوى ما عندها ثم تررررررررميه على الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعووووورة
لأنها من الحماس ما تدري وين أراضيه
وإذا لقته كنها لااااقيه كنز على طووووول تحطه على وجهه ما تبي أحد يشوفها
واللي يبط القهر أكثر وأكثر اللي ترقص بولدها ( يالييييييييل أم حبيليص الساااااااري )
ياشيلي يا أم الشباب ياتمايلي
وإذا قام البزر يصيح تنزله وتكمل رقص !!
والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح
تحسبونها توقف 
لالالالالا إلا تكمل الرقصة إن شاء الله يموت من الصياح اجل تخلي
فلانه اللي طلبت لها الاغنية علشان هالعله لالالالالالا وألف لالالالالالا.............
وما يضحكني إلا اللي تدخل اسمها في الاغنية واسم العيلة وعيلة العيلة
/
l
/
والأغاني المستخدمة لهذا الغرض تنقسم إلى قسمين :
مدح مباشر مثل :
- (ياصايغين الذهب عطوا الذهب فلانه) ... ادعسسسسسس :
- (ردوا سلامي على الفلاينه اللي ما يهابونه) .
- (فلانه كل الحلا فيها احترت أنا مدري وش اسميها ).... جبر الخواطر على الله 
- (فلانه غزال صادها القناص ) .... ياحلالااه يا حماية الحياة الفطرية أي والله 
...........
والقسم الثاني مدح غير مباشر:
- (الله يازين اللي حضرت غطت على كل الحضور ) .... بالعدال ياديانا سبنسر
( بس هالاغنية قديمة حيييييييل)
- (قولوا بسم الله على غزالن طب قولوا بسم الله  ) هاذي عاد ضاربة في
بس إلى الآن متداولة للآسف على كثر الأغاني ضااااااااااقت إلا يغنونها
شاهد المقطع
- (نورت ياحلاها شمس الأقبالي والعذارى شموعن من حواليها ) هههههه(وكمان )
هاذي عاد من تحت الأنقاااااض
/
l
/
اتخيلكم لو شفتو العرس ما بتوقفون من الضحك
ربي يسعد العروس غاليه على قلبونا دعوتنا لجميع بتوفيق
ووبث خلصنــآ ياحلوووين
التعديل الأخير تم بواسطة همس الغروب ; 15-09-2011 الساعة 12:19 PM.
|
الإهداءات
العرض العادي
