اخواني ... ماهم رجال

اخواني ماهم رجال ... وبس
اخواني جبال ووصف يتعدى الخيال

لا ضاقت بي الدنيا وقلت تكفون
قالوا بصوت ارقى ســنود واطلع جبال

يشوش راســـــــــي واتنومس وافتخر
اليا منــــــي تعــــزويت بدمثــــين الخصال

" الله خلق " واعـــــــطى ووفــــــــــى
ولولا الذنب قلت ووصل لحد الكمال

"" اعوذ بك " يارب واستــغفرك
واقر انك وحدك ذو الجلال والكمال

فيصل يذكرني بربي وسجـــــــــادتي
وموضــــــع سجــــــــودي وطيب الفعـــــال

وعبدالرحمن صمت وحكمة
(( ورايٍ سديدٍ )) ما تحطه شمال

وعبدالعزيز قو باس وطيـــــب
ساس وقـــــــــرم راس فــــــــــــــي الــــــــــنزال

وعبد الوهـــــاب هيــــــــــبة ملك
لبى معاليق الحشـــــــــى مثله محـــــــــال

واديب عــــــــزة نفس ووفــــــــــاء
" انا اشهد " انه ذيـــــــــــب رجــــــــال

وعمر بر الوالدين والكرم والجود
ومـــــــدة يمــــــــين تنســــــــــيك الشمال

امزج اللي سمعــــــته واضف عليه
اي طيـــــــــب يمـــــــر لك عـــــلى بال

واذا جمـــــــــــعته وصـــــــــــــار عنـــــدك
شخصاً لكل المزايا الطيبات مثال

هذاك ابو فيصـــــــــل تاج راســـــــي
قــــــــمة تربعت فووووووق الجبــــــــال

*************

ولا تهونون يالربع هذي الابيات لها موقف ...
اخواني وقفوا معي في موضوع والاخو والرفيق ماهو الا لوقت اللزوم وقتها جاء معي مطلع القصيدة قد لا اكون وفقت في مطلعها لكن هي كذلك كما اتت ...
طُلبت مني القصيدة في شريط الاهداءات واتمنى ان ينال هذا الجهد المتواضع استحسانكم ...
دمتم بود ...

شرواك يشرى بالجواهر والألماس
يا أغلى من خشوم المهار الأصايل
خوة وفا لمن خوته ترفع الراس
رفقة شرف وعندي عليها دلايل
عزوة خوي وللمرجله صرت نبراس
وأفخر بعرفك يا كريم الحمايل
يا صاحبي ليا من الدهر ألحقك باس
أو شفت من جور الليالي هوايل
أبشر بعزك لو بها قطع الأنفاس
أرخص لك الغالي ولا أرجي بدايل
عهدٍ علي ماخون لو يقطع الرآس
واجب علي أفزع ولا هي جمايل
لك فزعةٍ تروى بها عروق يبّاس
وتنبت فياضٍ ما لها من مثايل
عاشرت أنا في دنيتي عدت أجناس
ولقيت فيها اللي بوصفك قلايل
لقيت ناسٍ ما بهم ذرة إحساس
وبهرج القفى دايم تشل الشلايل
وناسٍ يموتها الحسد من بعض ناس
وناسٍ بفتنتهم تشتت عوايل
الناس خلوا صافي الفكر ينحاس
ومن أطباعهم كم عين هلت همايل
من ما أعتبر يصير هو عبرة الناس
ومن عاش بالدنيا يشوف الهوايل
هذي نصيحة من كوى قلبه اليآس
خريج مدرسة الألم من الأوايل
وصلاة ربي عد من بالحرم داس
على النبي وعداد مزنٍ تخايل
منقوووووول

أبيات تستحق القراءة أكثر من مره , فلك خالص شكري وتقديري على وفائك بطلبي كما أتمنى أن تتحفنا بكل جديد

يعطيك العافيه

يعطيك العافيه

ولاتهون قصيدة رائعه بروعتك وتحمل من الصفات الجميله والموجوده فيك وفى اخوانك وفالوالد حفظكم الله من كل سوء وادام تكاتفكم وحبكم لبعضكم وانا اشهد انكم تنحطون على الرأس وينشد فيكم الظهر

ابيـــات في قمه الروعــه ويستاهلون اكثــــــر يعطيــك الف عافيه ....... تقبل مروري

من حق مثلك يمدح أخوان فيصل .....أبناء سليل المجد ومعرب الساس
علي علي لا قيل للـــــحل فيصل ..... أنشهد إنه للمواجيب نومـــــــــــــــــاس
في ذمتي لا شفته براس مـــــــدقل ..... يشوش راسي والتعابير تنـــــــــــــــــحاس
أذكر الشيخ الكريم المــــُـــــــــبجل ...... في صورته في هيبته في غلا النـــــــاس
ــــــــــــــــــ
الله يحفظكم ويرعاكم ويديم عليكم نعمه ويحفظ لكم الغالي أبوفيصل الرجل الذي يفتخر به القريب والبعيد،

اخي الفاضل الطاروق

قصيدة طيبة ومعانيها جميلة ووافية ، والوفاء لاهل الوفاء واجب

الله لا يفرقكم ويديم المحبة والتقدير بينكم في ظل والدكم الكريم

محبكم ابو راكان

المشاركة الأصلية كتبت بواسطة اليورو

شرواك يشرى بالجواهر والألماس
يا أغلى من خشوم المهار الأصايل
خوة وفا لمن خوته ترفع الراس
رفقة شرف وعندي عليها دلايل

ماعليك زود يالغالي