لجميع الطلاب وخاصة ثالث ثانوي !!

ثالث ثانوي مرحله في اعتقادي من اروع مراحل الدراسه كل شيء فيها مميز حتى لو فيها معاناه وصعوبه
يبيلكم بس شوية صبر مع تركيز مع شوية حنكه ودهاء

وتكون مستعد نفسيأ وجسديأ لها المهمه الصعبه بس ممتعه ومارح تتكرر راح نتكلم عن المشاكل والصعوبات وكيف نواجهها ونتغلب عليها
راح نتكلم عن مرحلة ماقبل الاختبارات اللي هي الحاسمه

اول شيء اكيد النفسيات مضغوطه وقلق وتوتر

قال تعالى ( إن مع العسر يسرا )
اهتموا بقراءة القران والأذكار مره مهمه
وترفع المعنويات بشكل مو طبيعي

نجي من ناحية التغذيه اشربوا
عصيرات فواكه
يعني غيروا عن الروتين حاولوا تجددون بنظام اكلكم ككل
خذوا لكم كوفي او شاي نعناع قبل ماتبدون الصراع مع المنهج

لأن النعناع يروق بشكل مو طبيعي

نجي للجد الحين
معروف ان الدراسه الحين تعتمد على الاختبارات الدوريه يعني كل اسبوع تقريباً اختبار

دوري فأكيد عندكم خلفيه كبيره عن المنهج وهذا الشيء بيساعدكم في المذاكره الحين
تسوون جدول مبسط للمواد الصعبه واللي خايفين منها انجليزي نحو كيمياء فيزياء رياضيات
وتخصصون لها يومين من الجدول وتبدون فيها .
حاولوا قد ماتقدرون تنجزون بذكاء سويلك طريقه تريحك للمذاكره الأهم فالمهم

واللي تحس الأساتذه يركزون عليه وهكزا

دايم نسمع هالجمله :
" ادرس بذكاء وليس بجهد "

وحاولوا تغطون اكبر جزء من المنهج مذاكره عشان ليلة الاختبار تكون مراجعه

والمكان لاتنسون له اهميه كبيره مو تجلسون قدام اللابتوب وتذاكرون

واستغلوا وقتكم قد ماتقدرون بالتنظيم والاستراتيجيه الذكيه

وكل جزئيه خصصوا لها وقت معين تخلصونها فيه .

مرحلة التجهيز ان شاء الله بتنتهون منها على أكمل وجه

نجي للي بعدوا

ليلة الاختبار قربت بس حنا خلاص عندنا فكره عن المنهج بس لا بد التوتر والضيقه

ذاكر وخذ المسأله جد لاتلعبون لأنه مستقبلك ويأثر عليك بعدين
حسيتوا بضيقه رددوا " حسبي الله لا اله الا هو عليه توكلت وهو رب العرش العظيم "

وبترتاحون

ناموا مع اني عارف وماظنيت انه فيه نوم بس على الاقل ساعه
وافطروا لو كوب حليب او عصير برتقال طازج بما ان جونا بارد مره

قبل لاتدخلون القاعات إياكم وإياكم تشتتون معلوماتكم مع غيركم طنشوا قد ماتقدرون لاتسألون احد خلاص معلوماتهم لهم ومعلوماتك صدقوني بتتلخبط لو قعدت تحوسون معاهم

هاذي مشكله لها تأثير سلبي وبقوه ابتعدوا عنها

قاعة الآختبار
لاتنسون ذكر الله والتوكل عليه ورددوا "انا ذاكرت وتوكلت عليه لا إله الا هو ""راح احل بإذن الله "" سهله ان شاء الله "

كثروا عبارات تشجيعيه لها تأثير عجيب

اخذنا الورقه ريلاكس كلها امتحان دنيا
دائما خذوها قاعدة .. العقل لايعمل بشكل جيد تحت الضغط ..
وعلى قد ماتضغطون فيه عشان يعطيكم المعلومة
ويسعفكم بالجواب
إلا أنه راح يعنّد معاكم
الحل :
روحو لسؤال ثاني / اشغلو نفسكم عن التفكير بالإجابة بأي شي /
ريحو ذهنكم شوي / استغفرو / رددو ( اللهم ياجامع الناس ليوم لاريب فيه اجمع علي ضالتي )

و بأذن الله يفرجها ربي عليكم

والدليل انك لما تطلع من القاعه تتذكر الاجابه هذا يدل ان العقل ارتاح وخف عليه الضغط فيرجع يتذكر المعلومات

واذا راح اليوم الاول بسلام بتعدي كل الايام وبتصير ذكرى
هونآ
لموضوع بشكل عام لكم كلكم وبشكل خاص لثالث ثآنوي
ويارب يفتحها عليكم وتجاوبون وتجيبون آعلى الدرجات دنيا وآخره

معلوماتي بسيطه حاولت اوصلها لكم وان شاء الله تستفيدون منها
يالله انطلقوا لكم المكان كل واحد يشوف اسمه ويجلس كل واحد يقول كيف يذاكر كيف تجهزون
عشان نستفيد من بعض معلومات ملخصات اللي تحبون

تحيتي وتقديري لكم ..

م.ن للفائده

مشكوووووور والله يعطيك الف عافيه