قصيدة الجنوب - خالد محسن القرني

قصيدة الجنوب

. الغروب الي كسا لونه شحوب
لوع قليب المعنى وابهره
جمع همومي علي من كل صوب
منظره هم عسى الله يقهره
لا ذكرت ديارنا يم الجنوب
ومنظر جباله وطعسه وزهره
ومنظر الغيم الذي يسبي القلوب
يسعد المهوم شوفة منظره
لاتزبر بالمطر قبل الغروب
لين تسمع له دوي وزمجره
ثم قضى ليله وهماله صبوب
لين تشرق ما يهكر بمطره
لاختلط ريح المطر وياالهبوب
وارتوته به كل نفس مقفره
همك الي بالحشا غصب يذوب
وايتلاشى وايتبعثر بعثره
وصاحبك لاجاك فوق ارقى الجيوب
لكزسٍ من بين جيله ما اندره
وافي مافيه نقص ولا عيوب
قمة الابداع سكبة موخره
وقفته مثل المحنك فالخطوب
لاأحتمى يوم المنازل ما اظفره
ولا اقبل تقول انه اقبال مهيوب
شيخٍ ابعد من الثريا مخبره
سايقه قرم لياجات النشوب
محزم لاجل النوايب تذخره
طايع ٍ لله علام الغيوب
طالب قربه ويرجي المغفره
ثم تخاويتوا على قطع الدروب
من حدود سبيع الى اسفل ذره
اشهد ان جو التماشي بالجنوب
يطرد اكبرهم ويجيب اخبره .

تسلم ويسلم الشاعر