منتديات ديوانـية القاريـه و لـحيفه الرئيسـيـة

ياللي نسيت الود شلون بنساك
علمتني حبك وصديت عني

نسيت منهو صاين العهد وياك
ضاع الرجا من يوم خيبت ظني

عذبتني بالصد والهجر مقساك
عذبتني بكثر الجفا والتجني

هذا جزى اللي رخص الناس وغلاك
الظاهر ان زينك هو اللي فتني

كان الفرح في دنيتي يوم لقياك
وكنت الامل في غايتي والتمني

اتعبتني واتعبت روحي بفرقاك
عقبك شقى الايام والله سكني

لامن نسيتك هيض القلب ذكراك
ولامن ذكرتك دمع عيني غبني

راحت حياتي بين صدك ورجواك
لاجيتني تكفي ولا ابعت عني