منتديات ديوانـية القاريـه و لـحيفه الرئيسـيـة - عرض مشاركة واحدة

#1 16-08-2010, 06:17 AM

ليت (السفر) بين المحبين ممنـوع
تحجز(جوازت) المحبين بالذات..!!

ياليت لوأن ا( لسفر) حق مشروع
المشكلة.. لأهل الهوى حزن وآهات

الخط مغلق...كنّه (الكرت) منزوع
من ضيقتك تلعن جميـع اشتراكـات

تضرب على الكفّين والقلب مفجوع
تضيق بك عقبه جميـع المساحـات

في ليل دامس ضايعٍ مابه شمـوع
(الفكر) تايه فـي دروب المتاهـات

(العين) تذرف بالدقايق له دمـوع
و(القلب) عايش بين حسره وونـات

لوّك تجر الصوت ماهوب مسموع
ياطول مـا بينـك وبينـه مسافـات

يمكن ظروفه مامشت له على طوع
ويمكن سلا فكره بروحـه وجيّـات

سايح بدار(الغرب) والأجر مدفوع
يسرح ويمرح بيـن سجّـه ولـذات

الجو صافي بين خضره وينبـوع
وأنت بسموم(القيض) مابه إجـازات

الهم مدهالك من أسبـوع لسبـوع
لاحل ذكرى (الترف) هلّيت عبرات

صار(السفر) كنّه مثل حبّة الكوع.. !!
جمع الحبايب سابع المستحيـلات

بس الأكيد أن (الغلا) فيك مزروع
(الحب) يبقى بالضمايـر ولا مـات

الصدق قلته والزعل دوم مرفـوع
وقت(السفر) تبدي كثيـر المعانـات