تــــــــــــعــــالو شوفو وبعدها نناقش زواج المسياااار " قصه واقعيه "

السلام عليكم ورحمه الله وبركاته "
"قصه واقعيه اعرف انا همس بعض ابطالها والله شاهد"
اخواني واخواتي حبيت انزل لكم موضوع واقعي يخص زواج المسيار
واعرف بعض اصحاب هذا الموضوع مررره وهم يسكنون في بعض المناطق الشعبيه في منطقه مكه
تعيش ست كبيره في العمر يمكن تقريبا 70عام وعندها بنت وولد عيال ولدها ومالها بعد الله غيرهم
ولا لهم غيرهاا في بيت شعبي وحالتهم اقل من متوسطه يعني تحت خط الفقر
اسال الله لنا ولهم الحال الطيب المهم مع وضعهم هذا الا انهم مبسوطيين وسعيديين بكل من حولهم
واي يش ينقصهم ما يقصرون عليهم اهل حارتهم البنت تدرس الثنوي اتوقع ثاني
والولد تقريبا ثانيه جامعه تلفون بيتهم الكهربا طلباتهم الي ما يقدرون عليها يقومون فيها جيرانهم جزاهم الله خير
برغم كل الجيران وضعهم عادي واقل من عادي ولكنهم ناس طيبيين ومتساعدين
المهم هذي العائله االبسيطه ما لهم دخل غير الي يجيهم من ضمان ومكافئه الولد في الجامعه
خلونا نسميه احمد والبنت فاطمه المهم دارت الايام وجاهم خاطب لفاطمه كبير بعمره تقريبا في 60 او ما يقارب
وخطب البنت والكل اقنعوهم ان هذا الزوج بينتشلكم من الفقر وتعيشون حال طيب
البنت فكرت وقالت ليش ما أطلع اخوي وجدتي من هذا الحاجه جدتها مريضه بالسكر والضغط على كبر عمر وفقر
واخوها المشوار طويل قدامه الين يتخرج واذا تخرج متى تجي الوظيفه يعني انتظر يـ الزين لين يجيك الربيع
قالت اختصر هذي المعاناه مع انها بنت جميله جداا والف شاب يتمنااها
بس تقول من يتمناني وانا فقيره ما عندي غير الهم قام العريس يقدم لها المغريات وقبل كل شروطها لها
ووعدهم يشتري لهم بيت ويعطيهم راتب معين وبهتم فيهم وبكل طلباتهم
بس عنده شرط واحد بما ان الزواج مسيار ممنوع تحمل ولا تطالب بطفل وافقت فاطمه
و تركت كل شي طفولتهاا سعادتها وهي رايحه وجايه مع صديقاتها للمدرسه بساطتها عالمها الصغير
برغم كانو فقراء ولكن الضحكه والسعاده تملئ بيتهم والجيران ما يفارقونهم
فاطمه رمت كل شي ورا ظهرها وضغطت على اعصابها وضحت بجمالها وشبابها علشان تنتشل اخوها وجدتها من الفقر
والحاجه تقول جدتها احنا مبسوطين وانا ما ضغطت عليها ودي انها تجلس تكمل دراستها ونصيبها على الله
بس هي تقول جدتي مريضه وحالنا ذبحنا وانحرجنا من الجيران اقل شي علاج جدتي ما اشيل همه
واخوي يكمل دراسته ويقولون الرجال مع انه كبير في السن الا انه مهتم بشكله وهندامه وصحته زينه
ومركزمرموق وافقت واكتمل الزواج ولانه مسيار له بشروطه لا تطلب شي غير الي بيقدمه لها
وهو مستعد ما يخلي عليهم قاصر.اهم شي لا تحمل شرطه الاساسي ما يبغا منها عيال لان عنده هو عيال وكبار
المهم يا اخواني قصه والله ما يرضى فيها على نفسه او على احد يعرفه
تزوج شيخ الغفر من يوم دخل البيت النكد دخل معه صح اعطاهم وراح كل ما يشوف شي قاصر يصرف ويعدل
فرش البيت جهز له هو في البيت غرفه وحمام وحطها كانها قصر كل شي فيهاا
6 اشهر وحالهم طيب بس منعها من الطلعات والزيارات وحدد لهم اوقات
وكل فتره اسبوع اسبوعين وهو جايهم زي القدر. البنت ما انتبهت لنفسها ولا اهتمت كثير بشرطه عدم الحمل
حملت المسكينه وكنها ارتكبت اكبر جريمه يوم عرف الخبرقام يهدد ويتوعد وقال الحين تنزلينه
لو اجي بعد يوميين ما نزل يا ويلك انقلبت حياتهم تعب وخوف ما قدرت تنزله واكتمل حملها بمشيئة الواحد الاحد سبحانه
اذا اراد شيء يقول له كن فيكون " كل مره يجيهم يتطاول عليهم وضربها وحلف انها اذا ولدت ياخذ الطفل ويرميه
في أي مكان انقطع عنهم تقريبا 4 اشهر لا حس ولا خبر وكانو سعيدين بانقطاعه
بعد ما ولدت وهي طول فتره الحمل تبكي تعب وهم من الجهتيين جابت حبيبتي لها القهر لحد بيتها
ولدت بعد فتره حمل ومشقه وقهر وجابت ولد بعد شهرين من ولادتها وخوفها طول الوقت تبكي تعبت نفسيا مررره
صار الي يعرفها اول ما يصدق انها هي كل يوم يمر تتعلق في طفلها اكثروتخاف عليه اكثير
وتتمنى انها ماتت اهون من هذا الزواج وجا ليله رضعت ولدها واخذته في حضنها ونامت
صحيت في الصبح وما هو جنبها جن جنونها راحت تدوره في كل مكان شهر وهي وجدتها واخوها يدورون
ويسألون ماله طريق تعبت ومرضت وانهد حيلها من الهم والمعاناه جا عريس المسيار
وينطق على هذا النوع من العرس لقب عريس الغفله اخبروه وسالوه وين ولدهم
طلبوه يطلقها ويرجع الطفل وينساهم وهم مستحيل يقولون شي وعدوه وحلفو له انهم بيقلون للطفل عندما يكبر ابوك مات
سكت وكانه ما يسمع ولا يشوف ومارس حياتهم الطبيعيه وجلس شهر يجي ويروح
وهي تبكي وتدور والله يا اخواني يقولون لي كل يوم تدور في الحاره الين تدوخ راحت زي المجنونه
تدور ولدها وبعد الشهر الي اقامه معهم سافرهذا الزوج وانقطعت اخباره مره
بس مع الاسف بعد ماحملت للمره الثانيه وانهارت انهيار كامل مع حملها الثاني
ونتيجه الحمل بنت زي القمر ولكن بقدوم هذي البنت امها فقدت عقلها كامل
واخوها محمد ما راح يجي البيت غير نادر والجده ما تقدر تربي هذي الطفله انهدت قواها الله المستعان
الجده جابت الطفله عند ناس نعرفهم زيين من اقارب زوجي ناس طيبيين وحالهم متوسط جدا
هم جيرانهم قالت انتم اكثر ناس اقدر احط ذي البنت امانه بين يدينهم خذوها لكم خلوها بين عيالكم تكسبون اجرها
بنتي خلاص فقدت عقلها وحولوها على مستشفى شهار واخوها محمد ما رحت اشوفه غير فين وفين
بس امانه عليكم اذا كبرت علموها فين امها وعلموها ان لها اخو ضايع قولو لها كل شي خلوها تدورهم "
اعرف بعض اصحاب هذي القصه الي البنت عندهم مثل ما اعرفكم
زوجهاا طيب ..طيب الله حياته ورزقه رزق حلال جلس يدور تقريبا سنتيين
وجد الطفل في دار الرعايه بس اخذت الطفل عائله انشاء الله يكون فيهم الخير والرحمه اكثر من قلب هذا الأب
اخذ ارقامهم وتواصل معهم واخبرهم والحين كل فتره يتجمعون العائلتيين علشان الاخوان يتقابلون اكثر وقت ممكن
الاب مات اثر انقطاعه ربكم اخذ امانته وبيطالبون بحقهم يقلون لو طلع لهم حق اقل شي بيورثونه تقريبا 25 مليون
وتبين لهم ان الي اخفى الطفل خاله ولما سالوه قالهم ابغا انهي المشاكل مع هذا الاب واختي تعبانه
ومافينا حيل لتربيته انا وجدتي وشكل الاب موصيه بخفاء الطفل
والحين بعد هذي القصه المؤلمه جدا نبدا النقاش والأسئله
اخواني هنا تبد الاسئله
1-هل مثل هذا الزواج حلال فعلا؟؟
نفسي اعرف وش فيهاا لوو تززوجت زوواج عاادي؟؟؟

وانتم يا شباب تؤيدون مثل هذا الزواج

واذا تأيده ليه ؟؟؟
لا تقوولوو عشاان المهر قليل دوروو شــي ثـــاني ؟؟؟
واذا انتم معا هذا الزواج اوصيكم بتقوا الله اذا قررت فكر قبل قرارك ميه مره
في جميع الأحتمالات مثل
1-فرضاً حملت
2-مرضت مرض خطير وانت المسوؤل عنها تتخلا عنها ؟
3- هل انسانيتك تسمح لك بذالك ؟
4- افرض واعوذ بالله كانت ضعيفه ايمان واليوم الي انت مو عندها خانتك ؟؟؟؟؟؟
فكر بجميييييييييييع ما يدور براسك قبل تقبل على هذا الفكره
اسمحو لي اطلت عليكم المعذره والله اني اوقات كثير ما اقدر انام افكر في وضعها ووضع اطفالها
ووضعه المسكين الان بين يدي حكيم مقتدر الله المستعان
وسلامتكم من واقع اختكم همس والله على ما اقول شهيد تقدير لكم يا غاليين

اخواني لا تبخلون علينا رايكمـ يهمنا جـــدا