قصة واقعية .. حصلت في ليلة الدخله - منتديات ديوانـية القاريـه و لـحيفه الرئيسـيـة

#1 09-11-2010, 10:43 AM

قصة واقعية .. حصلت في ليلة الدخله
اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))

الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق .. عشاكم الليلة عندي) قل تم
المتصل : يا ابن الحلال مايصير انت عريس جد و.. و..

" المهم مافيه فايده ... الزوج مصر الا يتعشون عنده "
الزوج : يالله انا انتظركم .. مع السلامه !!
وقفل الخط
الزوجه المسكينه ما هي مصدقه اللي سواه زوجها ليلة الدخلة

ثم قال : يافلانه .. انا رايح السوق وراجع

" على بالها يبي يجيب عشاء جاهز "

بعد ربع ساعه رجع الزوج ومعه اغراض العشاء
قالت الزوجه : وش ذا ؟؟؟؟؟
قال : الله يسلمك قومي سوي العشاء لزملاي في العمل ،، جايين من بعيد وما بعد تعشوا

وفي أثناء الحوار،،، " الباب " يدق .. .. .. " دندن ... دندن .. دندن "
قال : هذولا " هم " وصلوا ،، يالله همّه يا مره !!!!!!
وراح عند ربعه .. يقهويهم

المهم المسكينه في المطبخ تقطع " البصل والطماط " بفستان الزفاف ، وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء ،، وتعشوا .. وراحوا لديرتهم
العروس ..المسكينه .. متضايقه

والمفاجأة !!!!!!!!

يدخل زوجها عليها .. ويرمي لها ( 50.000 ) خمسين ألف ريال ،، قال : هذا حقك قالت له : وش حقه ؟؟؟

قال الرهان اللي بيني وبين زملاي العشرة ،، على كل واحد (5000) بأنك تطبخين " ليلة الدخلة " وش يكون ردة فعلك موافقه والا .. لا وانتي من كسب الرهان !!!!!!!!

وتمت " ليلتهم " على خير وصاروا اسعد زوجين

وأقول لحواء لو كنتي مكان هالبنت راح تمسكين نفسك وبصرااااحه ..
تسوينها والا .. لا ..؟؟

تحياتــــــي / عادل سداح

مـجـمـوع الأوسـمـة · 09-11-2010, 02:13 PM

قصة رائعة وجميلة
والحقيقة بيض الله وجهها هذة الزوجة
وتستاهل الخمسين الف

09-11-2010, 08:42 PM

يعطيك الف عافية ابو محمد على القصة الرائعه

13-11-2010, 09:22 AM

جميل المكسب ولكن ليس في هذه الحالات

الزوجه كسرة قلبها صعبه ولكن لو كل زوجه كانت طائعه لزوجها في جميع الاحوال

فهي بتكسب رضا الرب افض من الخمسين الف

16-11-2010, 05:01 AM

هههههههههههههههههههههه

الناس تحب الفلوس لهدرجه في ليله الدخله طبخ

ما اختلفنا ان الحرمه تكون صقره بس مو في ليله الدخله \\

ويعطيك العافيه

الهلالي7777 · 22-11-2010, 03:18 AM

يعطيك العافية

25-11-2010, 01:19 AM

يعطيك العافيه اخوي بجد قصه حلوه

ولوني مكانها اسوي كذا واكثر مو عشان الفلوس لا وربي عشان ارضي زوجي قبل الكل مو اعصاه من البدايه

ولك تحياتي،،،

25-11-2010, 03:45 AM

ونعم الزوجه

تسلم ع القصه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة واقعية مخييييييييفة	شبح الظلام	قسم القصص والروايات الجميلة	4	11-04-2011 08:01 PM
قصة واقعية أتمنى أن تليق بكم وترضيكم	إبراهيم سداح	قسم القصص والروايات الجميلة	8	10-10-2010 09:07 AM
الخيمه الرمضانيه	النمر الاتحادي	قسم المواضـيع العامة وما ليس له قسم خاص	0	13-08-2010 06:54 AM
قصه واقعيه حصلت في رمضان	المجروح	قسم القصص والروايات الجميلة	3	17-09-2009 08:03 AM
الخيمه الرمضانيه	الملتاع	قسم الأســرة الــعصـريـة	1	03-09-2009 02:30 AM

الذين يشاهدون محتوى الموضوع الآن : 1 ( الأعضاء 0 والزوار 1)

(عرض الكل) الاعضاء الذين شاهدو هذا الموضوع: 0
لا يوجد اسماء لعرضها