الكشتات

أخذت من روحي لروحي نصايح

ثلاث يرضن النفوس الضياقي

جمع الحطب ومعلقات الذبايح

وحذف النشاما للغتر والطواقي

بقفر خلا عشبه بالأزهار فايح

غصن الخزاما به بالآخر مراقي

تلقى أم سالم به تجر النوايح

يطيب مع طير الربيع التلاقي

بين أربعة جدران مانيب طايح

قطع الخرايم جبّرت عظم ساقي

في نون عيني بارق الوسم لايح

كن السحاب تسل فيها السناقي

إن عوّدوا غب المطر للفلايح

مانيب فلاح يعدّل سواقي

عوّدت للي يكسبن المدايح

فيهن طرب قلبي ولذة مذاقي

سود البكار المكرمات المنايح

هاذي ضوت خلفة والأخرى ملاقي

ملحا تباهت بالصميل يتمايح

تركي على كبد الحسود العراقي

خلوني اقضي باقي العمر سايح

مادام للعمر المطرّف بواقي

أمشي تحت غر المزون الروايح

هذا هواي ورغبتي واشتياقي

يرتاح بالي يوم أوده وأصايح

وابسط فراشي في مبارك نياقي

أروح عن ناس تسوي الفضايح

عاشت بسوء أخلاق كذب ونفاقي

ناس تسرّد للمشاكل شرايح

تثير من بين الاخوان الشقاقي

كل الحياة احلام والعمر رايح

طرقي بها الدنيا وغيري طراقي

خلف بن هذال العتيبي

مميز مميز مميز
في أختيار مواضيعك المميزه مثلك

ما عليك راعي كشتات

والله ونعم

يازين البر

انين الصمت & اسير الشوق
تعطرت بمروركم الغالي

راعي الكشتات رائد الحربي

شكرا وانشاء الله نكشت مع بعض بس نبيها

في الجنوب والا الشرقيه

انت أشر بس وأبشر بالخوة
يالكائن الليلي