قصيدة مرثيه للشاعر / قاعد بن فراج بن عبا الهذيلي البقمي في أخيه قعدان بن فراج بن عبا الهذيلي ( يرحمه الله ) يتطرق فيها الشاعر لذكر مناقب المرحوم بإذن الله ومحاسنه ومواقفه الخيره مع جماعته وما كان لها من ألأثر الطيب الذي إنعكس على حب قبيلته له . وعظم نبأ فاجعة وفاته لديهم ,,,
[/justify]
يامل قلب بين الاضلاع يرجف = سمعت له وسط الضماير رجيفي
جا ني خبر في الليل وافز مختف = فزة قريص الداب يقفز مخيفي
والله لو ان المقادير تصرف = بالمال والا بالسلاح الرهيفي
اني لاعرض الروح لو كان يتلف = لا بيع غالي الروح باعة معيفي
ياخويه اللي يوم الاخوان تعرف = طرياه في وسط المجالس شريفي
عساف للأصعاب ماهوب يعسف = وسيف على يمناك يصلف صليفي
واليا ظهر له عايل قال له قف = حتاه يرجع عن طريقه معيفي
وان كثرت الأشوار رايه يصرف = ولا هو بوسط المجالس خفيفي
دون القبيله واقف ما تخلف = وممثل ما بين رمح وسيفي
ما تبخصينه يالقلوب المغلف = قعدان بن فراج حيد منيفي
حرا ليا منَه تنهض وشرف = يقضي على طلعه بكف ظريفي
سعد الرفيق اللي من الظيم يلهف = بالمال والا بالكلام اللطيفي
ويمنى تنول الجود مد ومنسف = عد الروى ماهوب رسٍ غريفي
ورث لابوه وسنده يوم خلف = يوم بعض الناس ماله خليفي
ولاني عن بعض المعاني مكلف = ياكود اخويه عيد قلبي وريفي
عز الله اني بعد فرقاه باضعف = لو كان ماني في المواقف ضعيفي
هو الوليف اللي لمثلي مولف = لا وا غبوني يوم قفى وليفي
هذا ثلاث اسبوع والدمع يذرف = واليا طرى طاريه بازنف زنيفي
عسى السحاب اللي بروقه تراهف = تمطر على قبره مزون الخريفي
وعساه في الجنه يفرش ويلحف = وفي جنة الفردوس جعله يضيفي
**********doPoem(0)
قاعد بن فراج بن عبا الهذيلي البقمي
التعديل الأخير تم بواسطة عبدالله بن مفرح ; 22-06-2009 الساعة 11:50 AM.
اشكر الجزيل لمديرنا العام (أبو خالد) لتشريفه أحضان مرابع ديوانية الشعر والشعراء والخواطر العذبة وحضوره المشرق وما جلبه لنا من مرثية تدمع لها العين رحم الله ميتهم واسكنه فسيح جناته لك ودي
الإهداءات
شاعر يرثي شقيقه
العرض العادي
